जळगाव (प्रतिनिधी) शहरातील तांबापुरा भागात १२ सप्टेंबर रोजी झालेल्या दंगलीत फरार आरोपी रवींद्र राजू हटकर याला एमआयडीसी पोलिसांनी आज अटक केली आहे.
अधिक माहिती अशी की, तांबापुरा येथे १२ सप्टेंबर रोजी सकाळी ८.३० वाजता हटकर व बावरी गटात दगड फेकून दंगल उसळली होती. याप्रकरणी खुनाचा प्रयत्न व दंगलीचे परस्परविरोधी गुन्हे दाखल झालेले आहेत. रिक्षाचालक असलेला रवींद्र राजू हटकर (वय ३१,रा. गवळीवाडा,तांबापुरा) हा गुन्हा दाखल झाल्यापासून फरार होता. पोलीस निरीक्षक विनायक लोकरे यांना रविंद्रची मिळाल्यावर त्यांनी पोलीस कॉन्स्टेबल अशोक संगत, नितीन पाटील, लुकमान तडवी यांच्या पथकाला तयार केले. त्यानुसार सापळा रचून पोलिसांनी रविंद्रला अटक केली. पुढील तपास सहाय्यक पोलीस उपनिरीक्षक संदीप हजारे व रतिलाल पवार हे करीत आहेत.
