रामनगर (वृत्तसंस्था) कर्नाटकातील रामनगर जिल्ह्यात एक धक्कादायक घटना घडल्याची माहिती समोर आली आहे. शारीरिक संबंध ठेवणं तरुण अन् अल्पवयीन तरुणीला महागात पडलं आहे. दोघांनी शारीरिक संबंध ठेवल्याने तरूणीला मोठ्या प्रमाणात रक्तस्राव झाला. यामुळे तिला स्वतःचा जीव गमवावा लागला आहे. घटनेची माहिती मिळताच पोलिसांनी घटनास्थळ गाठून मृतदेह ताब्यात घेतला.
कागलीपुरा येथील जवळच्या गावातील तरुण आणि तरुणीमध्ये प्रेमसंबंध सुरू होते. एकत्र शिकत असताना दोघेही प्रेमात पडल्याची चर्चा आहे. घटनेच्या दिवशी तरुणाने आपल्या प्रेयसी मुलीला निर्जनस्थळी नेले आणि शारीरिक संबंध ठेवण्यासाठी बळजबरी केली. शारीरिक संबंध दरम्यान पीडितेला जास्त रक्तस्त्राव झाला, ज्यामुळे तिचा जागीच मृत्यू झाला. प्रियकर तरुणाला अटक करण्यात आली आहे. पोलीस अधिकाऱ्याने सांगितले की, तरुणाने मयत तरुणीची हत्या केली नाही. मुलीचा मृत्यू झाल्याचे समजल्यावर आरोपी तरुणाने आपल्या मित्रांची मदत मागितली होती. त्यामुळे मृत्यूचे नेमकं कारण शोधण्यासाठी पोलीस आता पोस्टमॉर्टम रिपोर्टची वाट पाहत आहेत. या प्रकरणी कागलीपुरा पोलिसांनी आरोपी तरुणाविरुद्ध बलात्कार, पोक्सो आणि भारतीय दंड संहितेच्या इतर कलमांनुसार गुन्हा दाखल केला आहे.
