अमळनेर(प्रतिनिधी) येथील प्रसिद्ध दगडी दरवाज्याच्या नुतनीकरणाचे भूमिपूजन उद्या (शनिवार) करण्यात येणार आहे. यावेळी आमदार अनिल पाटील, माजी आमदार साहेबराव पाटील व लोकनियुक्त नगराध्यक्षा पुष्पलता पाटील यांची प्रमुख उपस्थिती राहणार आहे.
शासनाने नगरपरिषदेकडे दगडी दरवाजाचे देखभाल व दुरीस्तीचे काम पुढील १० वर्षासाठी हस्तांतरित केले आहे. दगडी दरवाज्याच्या कामामुळे राज्य महामार्ग क्र. १५ वरील रहदारीचा मोठा प्रश्न सुटणार आहे. या कामामुळे शहराच्या सौंदर्यात नक्कीच भर पडणार आहे. भूमिपूजन कार्यक्रम सर्व नियमांचे पालन करून घेण्यात येणार आहे. या कार्यक्रमाचे उद्घाटन आमदार अनिल पाटील, माजी आमदार कृषिभूषण साहेबराव पाटील यांच्या हस्ते होणार आहे. कार्यक्रमाच्या अध्यक्षस्थानी अमळनेर नगरपरिषदेच्या लोकनियुक्त नगराध्यक्षा पुष्पलता पाटील असतील. शहराच्या विकासासाठी सर्वांनी एकत्र यावे, असे आवाहन नगरपरिषदेमार्फत करण्यात आले आहे.
