जळगाव प्रतिनिधी । जळगाव तालुक्यातील आव्हाणे येथील खुबचंद साहित्या नगरातील महिलेचे बंद फोडून घरातून ७४ हजार रूपये किंमतीचे सोन्याचे दागिने चोरून नेल्याची घटना बुधवारी २५ सप्टेंबर रोजी रात्री ९ वाजता उघडकीला आले. याप्रकरणी गुरूवारी २६ सप्टेंबर रोजी रात्री १० वाजता जळगाव तालुका पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
याबाबत अधिक माहिती अशी की, जळगाव तालुक्यातील आव्हाणे येथील खुबचंद साहित्या नगरात उषा ईश्वर सोनवणे वय ४० या महिला आपल्या कुटुंबासह वास्तव्याला आहे. उषा सोनवणे या मुलासह ३० ऑगस्ट रोजी विरार (मुंबई) येथे मुलीकडे गेल्या होत्या. त्यावेळी चोरट्यांनी दरवाजाचे कुलूप तोडून कपाटातून एक तोळ्याचे सोन्याचे टोंगल, एक तोळ्याची सोन्याची पोत, पाच ग्रॅम वजनाच्या सोन्याच्या कानातील साखळ्या, ११ ग्रॅम वजनाच्या सोन्याच्या बाळ्या, तीन ग्रॅम वजनाचे सोन्याचे रिंग असा एकूण ७४ हजार रुपये किमतीचे दागिने चोरून नेले. हा प्रकार बुधवारी २५ सप्टेंबर रोजी रात्री ९ वाजता उघडकीला आला. त्यानंतर त्यांनी २६ सप्टेंबर रोजी रात्री १० वाजता जळगाव तालुका पोलिस ठाण्यात फिर्याद दिली. त्यावरून अज्ञात चोरट्याविरुद्ध गुन्हा दाखल करण्यात आला आहे. पुढील तपास पोहेकॉ गुलाब माळी करीत आहेत.