जळगाव (प्रतिनिधी) शहरातील गेंदालाल मिल परिसरात राहणाऱ्या एका तरुणाला दोघांनी मिळून लुटल्याची घटना घडली आहे. दोघां चोरांनी अल्ताफ शेख सलीम (वय-२८) याच्या खिशातील १२०० रुपये जबरीने काढून घेतले. याबाबत शहर पोलीस ठाण्यात गुन्हा दाखल करण्यात आला आहे.
शहरातील गेंदालाल मिल परिसरात राहणाऱ्या अल्ताफ शेख सलीम हा तरुण २ ऑगस्ट रोजी सकाळी ५.३० वाजेच्या सुमारास परिसरातील सिटी कॉलनी जवळून पायी जात होता. यावेळी मुसेफ शेख आणि रईस समशेर पठाण (दोन्ही रा. गेंदालाल मिल) यांनी त्याचा रस्ता अडविला. तसेच शिवीगाळ करून दमदाटी केली आणि त्याच्या खिशातून बाराशे रुपयांची रोकड बळजबरी काढून पसार झाले. याबाबत अल्ताफ शेख सलीम याने जळगाव शहर पोलीस ठाण्यात घेऊन तक्रार दिली आहे. त्याच्या तक्रारीवरून शहर पोलीस ठाण्यात संशयित आरोपी मुसेफ शेख आणि रईस समशेर पठाण यांच्या विरोधात गुन्हा दाखल करण्यात आला असून पुढील तपास पोलीस हेडकॉन्स्टेबल भास्कर ठाकरे हे करीत आहे.
