जळगाव (प्रतिनिधी) भुसावळ रोडवरील दूरदर्शन टॉवरजवळ असलेल्या श्री. स्वामीनारायण मंदिरातील मुर्ती प्राणप्रतिष्ठा महोत्सव दि. १० रोजी ते दि. १७ रोजीपर्यंत सकाळी ७ ते रात्री ११ वाजेपर्यंत सुरु राहणार आहे. त्यामुळे याठिकाणाहून होणाऱ्या अवजड वाहतुक मार्गात बदल करण्यात आला असून त्याबाबतचे आदेश पोलीस अधीक्षक डॉ. महेश्वर रेड्डी यांनी काढले आहेत.
भुसावळ रोडवरील दूरदर्शन टॉवरजवळ असलेल्या श्री. स्वामीनारायण मंदिरात मुर्ती प्राणप्रतिष्ठा सोहळ्याचे मंगळवार पासून आयोजन करण्यात आले आहे. त्यामुळे याठिकाणी भाविकांची मोठ्या प्रमाणात होणारी गर्दी लक्षात घेत. तसेच कायदा व सुव्यवस्था राखण्यासाठी याठिकाणाहून होणारी अवजड वाहतुकीच्या मार्गात बदल करण्यात आला आहे. सकाळी ७ ते रात्री ११ वाजेपर्यंत येथील महामार्गावरुन होणारी अवजड वाहतुक बंद करण्यात येणार असून त्यासाठी पर्यायी मार्गाचा वापर करण्याचे आवाहन पोलीस अधीक्षक डॉ. महेश्वर रेड्डी यांनी केले आहे.
असा आहे वाहतूक मार्गात बदल !
भुसावळकडून धुळ्याकडे जाणाऱ्या वाहनांसाठी नाहाटा कॉलेज, जामनेर, नेरी, वावडदा, म्हसावद, एरंडोलमार्गे
भुसावळकडून जळगावकडे जाणाऱ्या वाहनांसाठी नाहटा कॉलेज, जामनेर, नेरी, अजिंठा चौक मार्गे
जळगाव शहरातून भुसावळकडे जाणाऱ्या वाहनांसाठी – अजिंठा चोक, नेरी, जामनेर मार्गे
धूळ्याकडून मुक्ताईनगर व संभाजीनगरकडे जाणाऱ्या वाहनांसाठी – एरंडोल, म्हसावद, वावडदा, नेरी, जामनेरमार्गे
