जळगाव (प्रतिनिधी) जिल्ह्यातून राजकीय दृष्ट्या एक धक्कादायक बातमी समोर येत आहे. शिवसेना ठाकरे गटाचे जिल्हाप्रमुख विष्णू भंगाळे यांनी आपल्या समर्थकांसह आज शिंदे गटात प्रवेश केला आहे.
मतदानाला अवघे काही तास शिल्लक असताना हा प्रवेश सोहळा झाल्यामुळे महाविकास आघाडीच्या उमेदवार जयश्री महाजन यांना हा मोठा धक्का मानला जात आहे.
विष्णू भंगाळे यांचा सोबत ठाकरे गटाच्या अनेक पदाधिकाऱ्यांनी आणि कार्यकर्त्यांनी देखील शिंदे गटात प्रवेश केला आहे.
विष्णू भंगाळे यांच्या प्रवेशामुळे शिवसेना ठाकरे गटाच्या अडचणीत वाढ झाली आहे तर भाजपचे उमेदवार सुरेश भोळे यांची बाजू आता अधिक भक्कम झाली आहे.
यावेळी आमदार सुरेश भोळे, शिवसेना आघाडीच्या महिला आघाडीच्या जिल्हाप्रमुख सरिता माळी-कोल्हे यांच्यासह अनेक प्रमुख पदाधिकारी उपस्थित होते.
