जळगाव (प्रतिनिधी) शहरातील बहिणाबाई नगर येथे राहणाऱ्या एका तरूणाचे बंद घर फोडून घरातून रोक रकमेसह सोन्याचांदीचे दागिने असा एकुण ३५ हजार ४३० रूपयांचा मुद्देमाल चोरून नेल्याची घटना २५ सप्टेंबर रोजी सकाळी ६ वाजेच्या सुमारास उघडकीला आले आहे. याप्रकरणी सोमवारी ३० सप्टेंबर रोजी दुपारी ४ वाजता जळगाव तालुका पोलीस ठाण्यात गुन्हा दाखल करण्यात आला आहे.
मिळालेली माहिती अशी की, सिध्दार्थ नरसिंग प्रजापत वय २४ रा. बहिणाबाईनग, सत्यम पार्क जळगाव हा तरूण आपल्या परिवारासह वास्तव्याला आहे. हाडवैद्य असून त्यावर आपला उदरनिर्वाह करतात. २३ सप्टेंबर ते २५ सप्टेंबर दरम्यान त्यांचे घर बंद होते. त्यावेळी अज्ञात चोरट्यांनी बंद घर फोडून घरातून सोन्याचांदीचे दागिने आणि १५ हजारांची रोकड असा एकुण ३५ हजार ४३० रूपयांची मुद्देमाल अज्ञात चोरट्यांनी चोरून नेला. हा प्रकार २५ सप्टेंबर रोजी सकाळी ६ वाजता समोर आला. यानंतर सिध्दार्थ प्रजापत यांनी जळगाव तालुका पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ अनिल मोरे हे करीत आहे.
