जळगाव (प्रतिनिधी) कवयित्री बहिणाबाई चौधरी उत्तर विद्यापीठात पूर्णवेळ वित्त व लेखा अधिकारी हे संवैधानिक पद विद्यापीठ कायद्यामध्ये असताना तेथे पूर्ण वेळ अधिकारी का नाही भेटले?, याचा खुलासा विद्यापीठने करावा अशी मागणी राष्ट्रवादीचे ॲड. कुणाल पवार यांनी केली आहे. विशेष म्हणजे ॲड. पवार यांनी यासंदर्भातील विविध माहिती माहिती अधिकार अर्जाद्वारे मागितली आहे.
ॲड. पवार यांनी पाठवलेल्या प्रसिद्धी पत्रकात म्हटले आहे की, या अगोरचे वित्त अधिकारी गोहील यांचा अपमान करून पदभार काढून घेतला होता, ही बाब सर्वश्रुत आहे. कारण त्यांनीच तसा खुलासा वर्तमान पत्रातून केला होता. मग पूर्णवेळ अधिकारी असताना काटदरे यांना कार्यभार का दिला गेला?, कोणाच्या आदेशाने कोणाच्या आणि शिफारशीने हा पदभार दिला?, ही नेमणूक करताना वर्तमान पत्रात जाहिरात दिली होती का?, त्यावेळी किती अर्ज विद्यापीठमध्ये आले होते?, कोणाचे कागदपत्र जास्त अनुभवाचे होते?, या पदाची नेमणूक झाल्यानंतर त्यांच्या दिमतीला किती व्यक्ती आहेत. कसल्या आधारावर त्या नियुक्त्या झाल्या?, त्यांचे नेमके कामकाज काय असते?. तसेच त्यांना व्यवस्थापन परिषद सदस्य यांचे सोबत कार्यालय सोडून जाता येते का?. याची सविस्तर माहिती विद्यापीठ देईल का?. तसेच एस एफओ यांना किती मानधन देण्यात येते?. जर देत नसतील किंवा काटदरे घेत नसतील तर आजच्या या कलयुगात असे व्यक्ती भेटणे अवघड असल्याचे श्री. पवार यांनी म्हटले आहे. परंतु कोणतीही व्यक्ती मोबदला न घेता का काम करत असेल तर संशय निर्माण होणे, स्वाभाविक आहे. त्यामुळे याबाबतचा खुलासा देखील विद्यापीठाने करावा. तसेच एफोचे पद कायदेशीर पद्धतीने न भरता आपले वैयक्तिक अधिकार वापरून कंत्राटदाराची बिले काढण्यास तर त्यांची नेमणूक केली नाही?, असा संशय निर्माण होतोय. एवढेच नव्हे तर त्यांचे मानधन कंत्राटदार तर देत नाहीय? असा प्रश्न देखील उपस्थित होत आहे. आजतागायत काटदरे यांना किती मानधन देण्यात आले? हे देखील विद्यापीठाने जाहीर करावे. श्री.गोहील यांना अपमानास्पद वागणूक देवून त्यांना पदावरून दूर करण्यात कोणाचा हात होता? त्यांना पदावरून का कमी केले? किंवा त्यांना हा पदभार का दिला नाही? या सर्व प्रश्नांची सविस्तर उत्तरे विद्यापीठाने द्यावी, अशी मागणी अँड.पवार केली आहे
