जळगाव (प्रतिनिधी) शहरातील एका तरुणाला एमडी ड्रग्सचे सेवन करत असतांना पोलिसांनी छापा टाकून रंगेहात पकडल्याची घटना शाहूनगरातील शाहू कॉम्प्लेक्स परिसरात सायंकाळी ७.३० वाजता घडली. पोलिसांनी शाहरुख सिराज भिस्ती (वय २८) या संशयित तरुणाला ताब्यात घेतले.
शाहरुखची झाडाझडती घेतली असता त्याच्याजवळ ५ ग्रॅम एमडी अमली पदार्थ आढळून आले. दरम्यान उपविभागीय पोलिस अधिकारी विभागाचे पोलीस कॉन्स्टेबल सचिन साळुंखे यांनी दिलेल्या फिर्यादीवरून संशयित आरोपी शाहरुख भिस्ती याच्या विरोधात शहर पोलीस ठाण्यात गुन्हा दाखल करण्यात आला आहे. या पथकाची कारवाई ही कारवाई शहर पोलीस ठाण्याचे पोलीस निरीक्षक अनिल भवारी यांच्या मार्गदर्शनाखाली सहाय्यक पोलीस निरीक्षक किशोर पवार, उपविभागीय पोलीस विभागातील पोलीस कॉन्स्टेबल सचिन साळुंखे, पोलीस हेडकॉम्प्लेक्स परिसरात रस्त्यावर एमडी अमली पदार्थ सेवन करणाऱ्या शाहरुख भिस्ती याच्यावर धाड टाकून पोलिसांनी कारवाई केली.
शहरातील शाहू कॉम्प्लेक्स परिसरात एक तरुण हा एमडी या अमली पदार्थाचे सेवन करत असल्याची माहिती उपविभागीय पोलीस अधिकारी यांच्या पथकाला मिळाली. त्यानुसार पथकाने शहर पोलिसांच्या मदतीने रविवारी दि. ३१ डिसेंबर रोजी सायंकाळी कॉन्स्टेबल विजय निकुंभ, भास्कर ठाकरे, अमोल ठाकूर, रतन गीते यांच्या पथकाने केली आहे. दरम्यान, या प्रकरणामुळे जळगावची तरुणाई एमडी ड्रग्सच्या विळख्यात अडकण्याची भीती वर्तवली जात असून शहरातील ड्रग्सचे पाळेमुळे पोलिसांनी शोधून काढावीत अशी मागणी होत आहे.
