भाईंदर (वृत्तसंस्था) भाईंदरमधील कोविड सेंटरमध्ये एका २० वर्षीय विवाहित तरुणीवर बाऊन्सरने सलग तीन दिवस बलात्कार केल्याची घटना उघडकीस आल्यानंतर प्रचंड खळबळ उडाली आहे. धक्कादायक म्हणजे पिडीत तरुणी गर्भवती राहिली असून तिचा पती तिला घटस्फोट देण्याच्या तयारीत असल्याची माहिती समोर येत आहे.
पीडितेने दिलेल्या तक्रारी नुसार २ जून रोजी रात्री दहा वाजता आरोपीने मुलीला दूध आणि गरम पाणी देण्याच्या बहाण्याने खोलीत शिरला. तो आतमध्ये आल्यानंतर त्याने माझ्यावर बळजबरी केली. त्यानंतर याबाबत कुणाकडे वाच्यता केली तर, ठार मारण्याची धमकी दिली. त्यानंतर सलग दोन दिवस त्याने माझ्यावर बलात्कार केला, असा आरोपही तिने केला. तरूणी गरोदर राहिल्यानंतर तिने याबाबत पतीला सांगितले. आता तिचा पती घटस्फोट घेण्याचा विचार करत आहे, अशी माहिती पीडितेच्या आईने दिली. दरम्यान, त्यानंतर तिच्या संपर्कात आलेल्या कुटुंबातील पीडित तरुणी आणि तिची भाची कोरोना पॉझिटिव्ह आढळल्यानंतर त्या दोघांना भाईंदरमधील कोविड सेंटरमध्ये दाखल करण्यात आले होते.
