जळगाव (प्रतिनिधी) शहरातील शिवाजीनगर भागात रविवारी रात्री तरुणाचा धारदार शस्त्राने भोसकून खून करण्यात आल्यामुळे प्रचंड खळबळ उडाली आहे. दरम्यान, मागील पाच दिवसात शिवाजीनगर परिसरातील हा दुसरा खून आहे.
इंद्रप्रस्थ नगर जवळील रिक्षा स्टॉपवर रात्री सव्वा अकरा वाजेच्या सुमारास भूषण भरत सोनवणे (वय 25, रा. इंद्रप्रस्थ नगर, कानळदा रोड) याचा अतुल काळकर प्रतिक निंबाळकर आणि दुर्गेश संन्यास या तिघांसोबत वाद झाला. वादाचे पर्यावसन हाणामारीत झाले. त्यानंतर या तिघांनी धारदार शस्त्राने भूषणला भोसकून गंभीर जखमी केले. भूषणला रुग्णालयात नेले असता डॉक्टरांनी त्याला मृत घोषित केले. घटनेची माहिती मिळताच अप्पर पोलीस अधीक्षक कुमार चिंथा, विभागीय पोलीस अधिकारी चंद्रकांत गवळी यांच्यासह शहर पोलीस ठाण्याचे कर्मचारी घटनास्थळी पोहोचले. दरम्यान अवघ्या पाच दिवसात शिवाजीनगर परिसरात दुसरा कोण झाल्यामुळे नागरिकांमध्ये प्रचंड भीतीचे वातावरण आहे.
