जळगाव (सुरेश उज्जैनवाल) आमचे मित्र आणि सुसंस्कृत व्यक्तिमत्व सुपर शॉप व्यवसायिक अनिलभाई यांचा आज वाढ दिवस वयाच्या 64 व्या वर्षात ते पदार्पण करीत आहेत, त्या निमित्त त्यांचे अभिष्टचिंतन आणि भावी वाटचालीस मन:पूर्वक शुभेच्छा…!
खर तर धुरंदर राजकारणी, ख्यातनाम समाजसेवक किंवा कला, क्रीडा, शिक्षण आदी क्षेत्रात नाव लौकिक प्राप्त व्यक्तीं बाबतीत वाढ दिवसा निमित्त लेख लिहिण्याचा सर्व साधारण प्रघात आहे, पण आपल्या अवती भवती काही अश्या व्यक्ती असतात की, ज्यांनी काळानुरुप आपल्या क्षेत्रात असं काही नाविन्यपूर्ण बदल घडवतात की ,ते कालांतराने त्या बदलाचे पायोनियर ठरतात आणि त्याची दखल घ्यावसी वाटते. जळगाव चे अनिलभाई कांकरिया हे त्या पैकी एक आहेत. सु स्वभावी, संयमी आणि मितभाषी ही त्यांची गुणवैशिष्ट्ये असली तरी ते एक प्रथितयश व्यवसायिक आहेत. जळगाव शहरातील …”नव जीवन सुपर शॉप” हे प्रसिद्ध किराणा शॉप नावारूपा प्रमाणे मालाचा दर्जा आणि सेवा बाबतीत चोखंदळ.. गेल्या 70 वर्षा पासून नव जीवन सुपर शॉप हे किराणा दुकान जळगाव शहरात आपलं लौकिक कायम ठेवून आहे. या व्यवसायात कांकरिया यांची चौथी पिढी आता त्याची सूत्रे सांभाळीत आहे.
सेल्फ सर्व्हिसचे पायोनियर
किराणा दुकानाच्या व्यवसायात नाविन्यपूर्ण बदल करण्याचं श्रेय अनिलभाई यांना जातेय, वाणिज्य पदवी संपादन करूनही त्यांनी आपल्या पिढीजात व्यवसाय पुढे नेण्याचा संकल्प केला. जळगाव शहरातील नवीपेठेतील आपल्या दुकानाला नवा लूक देत अगदीच नवी कल्पना 1993 मध्ये अमलात आणत ग्राहकांसाठी सेल्फ सर्व्हिस ही पद्धत सुरू करून परंपरागत किराणा दुकान ही ओळख पुसत ‘ सुपर शॉप’ नाव रुजविले, सुरवातीला दुकानादारी साठी जोखीम म्हणून वाटणारी आणि ग्राहकांना अकल्पित वाटणारी ही पद्धत अल्पावधीत अंगवळणी पडली. त्या सह माला ची पॉकेजिंग ही संकल्पना ही रूढ झाली. जळगाव सह उत्तर महाराष्ट्रात 1993 पूर्वी सेल्फ सर्व्हिस सुपर शॉप पद्धतच नव्हती. काळाचा बदल खूप आधी लक्षात घेऊन व्यवसायिक पद्धतीत बदल घडविल्याने अनिलभाई पायोनियर ठरतात. ग्राहकांच्या आवडी निवडी मध्ये ही बदल घडविण्यात त्यांच्या भूमिकेचे योगदान आहे. प्रचंड आत्मविश्वास, जिद्द, चिकाटी आणि त्यानुरूप परिश्रमाच्या माध्यमातून त्यांनी आपले नवीन विश्व निर्माण केले आहे. त्यांच्या व्यवसायातील स्पर्धेला ते स्पर्धा मानीत नाही, किंबहुना स्पर्धे शिवाय प्रगती ची दिशाच निश्चित होऊ शकत नाही, असं ते मानतात. सुपर शॉप मॉडेल सह बार कोड ऑटोमिशन सिस्टीम, टॉप रिटेलर इन ग्रोसरीज, मसाला आणि सुका मेवा या बाबतीत ते उत्तर महाराष्ट्रात टॉप रिटेलर म्हणून गणले जातात. आपल्या ग्राहकांना ते केवळ ग्राहक म्हणून नव्हे तर कुटुंब म्हणून बघतात, त्या साठी ग्राहक मेळावे ही संकल्पनाही त्यांनी अस्तित्वात आणली. व्यवसायातील नाविन्यपूर्ण प्रयोगासाठी त्यांना राज्यस्तरीय पुरस्कार देऊन गौरविण्यात आले आहे.
सामाजिक बांधीलकी आणि कार्य
केवळ व्यवसायिक एवढीच अनिलभाई यांची ओळख नसून सामाजिक बांधिलकीची वृत्ती देखील त्यांच्या व्यक्तिमत्वात दिसून येते. जळगाव रोटरी क्लब वेस्टचे माजी अध्यक्ष, जळगाव व्यापारी महामंडळाचे माजी अध्यक्ष, रेड क्रॉस सोसायटीचे माजी सचिव आदी संस्था, संघटनेत त्यांनी लक्षणीय योगदान दिले आहे. कोविड माहामारीच्या काळात ही त्यांनी सेवा दिली आहे. सचोटी आणि विश्वास या सूत्रांच्या माध्यमातून त्यांनी कमविलेला लौकिक नव्या पिढी च्या व्यवसायिकांसाठी प्रेरणा आणि यशाचा वस्तुपाठ म्हणता येईल.
सुरेश उज्जैनवाल, पत्रकार, जळगाव
