धरणगाव (प्रतिनिधी) आर.सी.पटेल फार्मसी महाविद्यालयाच्या एम.फार्मसी विभागाचा निकाल लागला. द्वितीय वर्ष फार्माकोग्नोसी शाखेतून धरणगावातील ऐश्वर्या शाम काबरा 9.93 सीजीपीए गुण प्राप्त करून विद्यापीठात प्रथम आली. ज्ञानज्योती सावित्रीमाई फुले यांचा आदर्श घेऊन त्यांच्या विचारांवर चला, असे प्रतिपादन धरणगाव पोलीस स्टेशनचे पी.आय.राहुलजी खताळ यांनी केले आहे. ते ऐश्वर्याच्या सत्कार प्रसंगी बोलत होते.
धरणगाव पोलीस स्टेशनचे पी.आय.राहुलजी खताळ यांनी नेताजी रोड येथे ऐश्वर्याच्या निवासस्थानी जाऊन भेट दिली व तिच्या पाठीवर शाबासकीची थाप देऊन विद्येची देवता सावित्रीमाई फुले यांची प्रतिमा भेट दिली. सोबत कर्तव्य बहुउद्देशीय संस्थेचे अध्यक्ष सुनील भाऊ चौधरी, पी.एस.आय अमोल गुंजाळ, गोपनीय अधिकारी मिलिंद जी सोनार, समाधान भागवत, आजोबा रमेश काबरा, वडील श्याम काबरा, आई डॉ.अर्चना काबरा, गोकुळ काबरा, लकी काबरा, इच्छेश काबरा आदी उपस्थित होते. कार्यक्रमाचे सूत्रसंचलन इच्छेश काबरा यांनी केले तर आभार लकी काबरा यांनी मानले.कार्यक्रम यशस्वी करण्यासाठी मनीष चौधरी, ओम कोळी, अरविंद चौधरी, गौरव चौधरी, प्रेम ठाकरे, रोहित चौधरी प्रथमेश ठाकरे यांनी परिश्रम घेतले .
