अमळनेर (प्रतिनिधी) नाशिक विभागाचे विशेष पोलीस महानिरीक्षक माननीय प्रतापराव दिघावकर यांनी आज दुपारी मंगरूळ येथील कै.दादासो अंबर राजाराम पाटील माध्यमिक व उच्च माध्यमिक विद्यालयास सदिच्छा भेट दिली.
नाशिक विभागाचे विशेष पोलीस महानिरीक्षक माननीय प्रतापराव दिघावकर हे नाशिकहून जळगाव येथे पोलीस अधिकाऱ्यांच्या बैठकीसाठी जात असताना खास करून अमळनेरकडून मार्ग निवडून मंगरूळ येथील स्व. अनिल अंबर पाटील यांनी स्थापन केलेल्या कै.दादासो अंबर राजाराम पाटील माध्यमिक व उच्च माध्यमिक विद्यालयास सदिच्छा भेट दिली. यावेळी श्री. दिघावकर यांनी ग.स बँकेचे माजी चेअरमन झांबर राजाराम पाटील, युवा शिवसेनेचे उपजिल्हाप्रमुख श्रीकांत उर्फ सोनू यांची भेट घेऊन चर्चा केली. जुन्या आठवणींना उजाळा देऊन विचारपूस केली साहजिकच त्यांचे स्वागत करणे आद्य कर्तव्य असल्याने संस्थेच्या चेअरमन सुहासिनीताई पाटील, शाळेचे मुख्याध्यापक प्रकाश पाटील, ज्येष्ठ शिक्षक व लोकमतचे पत्रकार संजय पाटील, विद्या पाटील मॅडम, मेजर प्रवीण पाटील यांनी स्वागत केले. यावेळी श्री.दिघावकर साहेब यांनी बराच सर्वांसोबत चर्चा केली आणि नंतर जळगावकडे रवाना झाले.
