जळगाव (प्रतिनिधी) बीएचआर घोटाळ्यातील संशयित आरोपी सीए महावीर जैन यांच्या जामीन अर्जावर आज (सोमवार) कोर्टाच्या दोन्ही सत्रात बचाव आणि सरकारी पक्षाच्यावतीने जोरदार युक्तिवाद करण्यात आला. दुसरीकडे सुजित बाविस्कर (वाणी) च्या जामीन अर्जावर आजच्या ऐवजी उद्याच निकाल देण्यात येणार आहे. तर उर्वरित संशयितांच्या जामीन अर्जावर आज युक्तिवाद झाला नाही.
आज महावीर जैन यांच्यावतीने अॅड. प्रसाद कुलकर्णी यांनी जोरदार युक्तिवाद केला. जैन यांच्या कार्यकाळात कोणत्याही गैरव्यवहार झाला नाही. जैन यांनी केलेले ताळेबंदमध्ये काहीही चुकीचे केलेले नाही. सर्व नियमाला धरून आहे. तसेच बचाव पक्षाने फॉरेन्सिक ऑडीटवर देखील आक्षेप घेतले. अॅड. कीर्ती पाटील यांनी तक्रारीत २३ मुद्दे मांडले होते. या मुद्द्यांवर सीए महावीर जैन यांचे वकील कुलकर्णी यांनी म्हटले की, या मुद्द्यांवर श्री. जैन यांनी देखील आपल्या कार्यकाळात आक्षेप नोंदवले आहेत. त्यामुळे सीए जैन यांनी कुठल्याही बेकायदेशीर कृत्य केलेले नाही. दोन्ही बाजूचा युक्तिवाद अपूर्ण राहिल्यामुळे उद्या पुन्हा युक्तिवाद होणार आहे.
दुसरीकडे सुजित बाविस्कर (वाणी) च्या जामीन अर्जावर आजच्या ऐवजी उद्याच निकाल देण्यात येणार आहे. दरम्यान, उद्या सरकार पक्षाच्या वतीने सरकारी वकील प्रवीण चव्हाण तर बचाव पक्षाच्या वतीने आपापला युक्तिवाद सादर करणार आहेत. अवसायक जितेंद्र कंडारे याचा ड्रायव्हर कमलाकर कोळी याला मागील आठवड्यात पुणे न्यायालयाने जामीन मंजूर केला होता. तर सुजित बाविस्कर (वाणी) च्या जामीन अर्जावर ११ जानेवारीला निकाल देण्यात येणार होता. तसेच विवेक ठाकरे यांच्या जामीन अर्जावर आज सुनावणी होवू शकले नाही.
