धरणगाव (प्रतिनिधी) चोपडा रोडवरील पिंपळे खु. हद्दीतील शगुन कोटेक्स प्रा. जिनिगमधून अज्ञात चोरट्याने ५० हजार रुपये किंमतीचे गहू चोरी केल्याप्रकरणी गुन्हा दाखल करण्यात आला आहे.
या संदर्भात विनोद प्रकाश पाटील (वय ३७, धंदा, व्यापार, रा.पिंपळे खु.) यांनी फिर्याद दिली आहे. फिर्यादीत म्हटले आहे की, दि.२६ एप्रिल २०२२ रोजी रात्री अडीच ते २७ एप्रिलच्या पहाटे ४ वाजेच्या दरम्यान, अज्ञात चोरट्याने शगुन कोटेक्स प्रा. जिनिगमधून ४० कट्टे गहू अंदाजे प्रत्येकी ६० किलो वजनाचे एकूण २४ क्वींटल गहू अज्ञात चोरट्याने चोरून नेली आहेत. याप्रकरणी अज्ञात चोरट्यांविरुद्ध गुन्हा दाखल करण्यात आला असून पुढील तपास पोलीस निरीक्षक राहुल खताळ यांच्या मार्गदर्शनाखाली पोलीस नाईक हिंमत पवार हे करीत आहेत.
