लखनऊ (वृत्तसंस्था) हाथरस तरुणी हत्याकांडाच्या प्रकरणातील पीडितेच्या कुटुंबाला सोमवारी कडक सुरक्षेत अलाहाबाद उच्च न्यायालयाच्या लखनऊ खंडपीठात जबाब नोंदवण्यासाठी नेण्यात येणार आहे. या सर्वांच्या सुरक्षेसाठी ६० जवान तैनात असतील शिवाय ८ सीसीटीव्ही कॅमेऱ्यांची नजर असेल.
हाथरस तरुणी हत्याकांडाच्या प्रकरणात सीबीआयने अटक करण्यात आलेल्या चारही आरोपींच्या विरोधात हत्या, सामूहिक बलात्काराच्या कलमान्वये गुन्हा दाखल केला आहे. पीडितेच्या कुटुंबाने जिवाला धोका असल्याचे सांगत रविवारी रात्री लखनऊला जायला नकार दिला. यामुळे सोमवारी सकाळी ५ वाजता हाथरसहून लखनऊला जाणार आहेत. न्यायालयाने १ ऑक्टोबरला स्वत:हून दखल घेत पीडितेच्या आई-वडिलांचा जबाब नोंदवण्याचे आदेश दिले होते. त्यानुसार सुरक्षा देण्यास सांगितले हेाते. कुटुंबाच्या सुरक्षेसाठी घरी ६० सुरक्षा कर्मचारी तैनात असून ८ सीसीटीव्ही कॅमेरे लावण्यात आले आहेत. पीडितेचा मोठा व धाकटा भाऊ, बहीण, आई-वडील कोर्टात जवाब देतील.
