धरणगाव (प्रतिनिधी) – आज धरणगाव तालुक्यातील बी जे महाजन माध्यमिक विद्यालय, आनोरे येथे भवरलाल भाऊ जैन तालुका सार्वजनिक शासकीय वाचनालयाच्या वतीने आणि अशोक भाऊ जैन जैन इरिगेशनचे संचालक यांच्या सहकार्याने गरीब होतकरू विद्यार्थ्यांसाठी मोफत वह्या वाटपाचा कार्यक्रम उत्साहात संपन्न झाला.
कार्यक्रमाच्या अध्यक्षस्थानी शाळेचे संचालक नामदेव महाजन होते. याप्रसंगी वाचनालयाचे अध्यक्ष, अखिल भारतीय मराठा सेवा संघाचे महाराष्ट्र कार्याध्यक्ष आणि माजी नगराध्यक्ष पी एम पाटील सर तसेच भावी जिल्हा परिषद सदस्य चंदन पाटील यांनी विद्यार्थ्यांना मार्गदर्शन केले. चंदन पाटील यांनी शाळेतील संगणक हॉलसाठी बसण्यासाठी 2 छताचा पंखा देखील भेट दिले.
त्याचबरोबर संस्थेचे उपाध्यक्ष सोबत मनोगत मार्गदर्शन केले
संस्थेचे उपाध्यक्ष मधुकर देशमुख, अनोरे येथील माळी समाजाचे अध्यक्ष हरी महाजन, समाजसेवक दीपक महाजन, ए के पाटील, डी बी महाजन, के आर महाजन, किरण महाजन, बी डी सुतार, पी एन माळी यांच्यासह शाळेतील सर्व शिक्षक व शिक्षकेतर कर्मचारी या कार्यक्रमाला उपस्थित होते.
कार्यक्रमात शाळेचे मुख्याध्यापक आर बी महाले यांचा मान्यवरांच्या हस्ते सत्कार करण्यात आला. सूत्रसंचालन ए पाटील यांनी केले तर आभार एस एम महाजन यांनी मानले.
