धरणगाव (प्रतिनिधी) तालुक्यातील बोरखेडा येथे मागील भांडणाच्या वादातून हाणामारी झाली. याप्रकरणी तिघांविरुद्ध धरणगाव पोलिसात गुन्हा दाखल करण्यात आला आहे.
याबाबत अरुण गंगाधर पाटील (वय ५८, रा. बोरखेडा ता. धरणगाव) यांनी फिर्याद दिली आहे. फिर्यादीत म्हटले आहे की, दि.४ मार्च रोजी दुपारी दीड वाजेच्या सुमारास संशयित आरोपी पिंटू सुभाष पाटील याने अरुण पाटील यांना शिवीगाळ करुन फर्शीने त्यांच्या उजव्या हातास मारुन दुखापत केली. तसेच अरुण पाटील यांची पत्नी त्यांना सोडविण्यास गेली असता त्यांना देखिल पिंटूने चापटाबुक्यानी मारहाण करुन शिविगाळ केली. तर सुभाष पाटील आणि त्यांच्या पत्नीने देखील शिवीगाळ करुन मारण्याची धमकी दिल्याचे फिर्यादीत म्हटले आहे. या प्रकरणी गुन्हा दाखल करण्यात आला असून पुढील तपास पो.हे.काँ मोती पवार हे करीत आहेत.
