धरणगाव (प्रतिनिधी) विद्यार्थ्याला चाकूचा धाक दाखवत १२ हजार रूपये किंमतीचा मोबाईल जबरीने लुटून नेल्याची घटना टाकरखेडा शिवारात बांभोरी ते वैजनाथ गावाच्या दरम्यान, आदीवासी मुलांचे वस्तीगृहाच्या पुढे रोडवर घडली. याप्रकरणी धरणगाव पोलीस ठाण्यात गुन्हा दाखल करण्यात आला आहे.
रोहित विनोद पाटील हा विद्यार्थी (वय-२० रा. दोनगाव ता. यावल ह.मु. वैजनाथ ता. एरंडोल) येथे वास्तव्याला आहे. शुक्रवारी २२ डिसेंबर रोजी दुपारी १ वाजेच्या सुमारास बांभोरी ते वैजनाथ रस्त्यावरील आदिवासी मुलांचे वसतीगृहजवळून दुचाकीने जात असतांना अज्ञात व्यक्तीने हात देत लिफ्ट मागण्याच्या बहाण्याने दुचाकी थांबवायला सांगितले. परंतू दुचाकी थांबताच त्या व्यक्तीने रोहितच्या मानेवर चाकू लावून त्यांच्याजवळून १२ हजार रूपये किंमतीचा मोबाईल जबरीने लुटून पसार झाला. याप्रकरणी शनिवारी २३ डिसेंबर रोजी रोहित पाटील याने धरणगाव पोलीस ठाण्यात तक्रार दिली. त्यानुसार ३० ते ३५ वयोगट असलेल्या अज्ञात व्यक्तीविरोधात धरणगाव पोलीस ठाण्यात गुन्हा दाखल करण्यात आला आहे. पुढील तपास पोहेकॉ अरूण रामचंद्र निकम हे करीत आहे.
