पातोंडा ता.अमळनेर (प्रदिप पवार) येथील श्री दत्त विद्या मंदिर शाळेतील इतिहास, भगोल विषय शिकवणारे शिक्षक प्रदीप रामदास लोहारे यांच्या विविध छंदची परिसरात एकच चर्चा सुरु आहे. पातोंडा गावातील नागरिक गावात अथवा गावाबाहेर मयत झाला असेल त्यांची मृत्यूची नोंद…जसे दिनांक, वार, आणि मृत्यचे कारण, लोहारे सर आपल्याकडे नोंदून ठेवतात. काही वेळा अनेक जण आपल्या घरातील मयत सदस्याची मृत्यू तारीख विसरतात, तेव्हा ते प्रदिप लोहार सर यांच्याकडे धाव घेत असतात. लोहारे सरांच्या या छंदामुळे गावातील अनेकांची अडचण दूर होत असते.
लोहारे सर या सोबत गावातील कोणत्याही धर्माचा,जातीचा,व्यक्ती मयत झाल्यावर अंत्ययात्रेत आवर्जून उपस्थित राहतात. ते काही कारणास्तव गावातील नसतील तर त्यांचा छंद वजा कर्तव्य त्यांचा मुलगा मोहित हा पार पाडतो. लोहारे सर 35 वर्षा पासून शाळेत अध्यापन कार्य करत आहेत. या काळत जे विद्यार्थी त्यांचा वर्गात अध्ययन करून गेले, त्यांची देखील संपूर्ण नोंद लोहारे सर ठेवतात. विद्यार्थ्याची जन्मतारीख,नाव ,वर्गात प्रवेश दिनांक, प्रगती या बाबत नोंद आहे. 35 वर्षा पासून उपलब्ध आहे. प्रदीप लोहार सर शिस्तप्रिय,हुशार शिक्षक असून त्यांचा इतिहास भूगोल,या विषयावर मोठी पकड आहे. त्यांचा शिकवण्यातून खुप सारे विद्यार्थी घडले आहेत.
लोहारे सरांनी आपल्या घरातील खोलीत सर्व राष्ट्रपुरुष ,क्रांतिकारक व इतिहासाची पुस्तके आहेत. लोहारे सर उद्याचे नियोजन काय असेल?, ते पूर्ण दैनंदिन एका वहीत नोंद ठेवत असतात. तसेच त्यांनी घरात गृहवाचानालय उभारले आहे… जणू घर ज्ञानाने भरभरून वाहते. त्याचप्रमाणे त्यांच्या शाळेतील वर्गातही ग्रंथालय सारखे व महापुरुषांसारखे फोटो लावलेले आहेत. सरांचे नियोजन तासिकेचा पहिला तास असल्याने सर्व महापुरुषांचे फोटो ना अगरबत्ती लावून आपल्या पुढील तासिकेला ते सुरुवात करत असतात. गावातील, परिसरातील त्यांच्याकडून जेवढे विद्यार्थी शिक्षण घेऊन गेले आहेत, त्यांना दिलेला गृहपाठ यात कोणाच्या काय चुका झाल्या असतील?, त्याची पण त्यांच्याकडे नोंद असते. तसेच कुठला विद्यार्थी किती दिवस शाळेत आला आहे?, याची देखील नोंद लोहारे सर ठेवत असतात. तसेच त्यांच्या कार्यकाळात जेवढे विद्यार्थी घडून गेले आहेत, त्यांचे संपूर्ण रेकॉर्ड अर्थात नाव… तो कुठल्या कुटुंबांमधून आला आहे, त्याची सर्व पार्श्वभूमी ही लोहारे यांच्याकडे नावानिशी नोंद असते.
गावातील एखाद्या गरजू व्यक्तीला व आरोग्य कामासाठी व घरातील एखाद्या करता गेल्याने त्याला आपल्या हिमती प्रमाणे मदत करतात. गावातील धार्मिकसह विविध कार्यक्रम गावातील ग्रामस्थ लोहारे सर यांच्याकडे आवर्जून मदतसाठी जातात. शाळेतील सहकाऱ्यांसह गावातील सर्वांचा त्यांच्याकडे पाहण्याचा दृष्टिकोन एक शिस्तप्रिय शिक्षक म्हणूनच आहे. लोहारे सर यांचा आध्यात्मिक सामाजिक शैक्षणिक कार्यात विशेष सहभाग असतो. त्यांचा कार्याचा व छंदाचा ग्रामस्थ कडून आणि शिक्षण प्रेमिकडून कौतुक होत आहे.
विशेष म्हणजे शिक्षक प्रदीप लोहारे त्यांच्या पत्नी सुनीता ह्या देखील जिल्हा परिषद शाळेत शिक्षिका म्हणून कार्यरत आहेत. त्यांनी तालुक्याच्या ठिकाणी न राहता आपल्या गावातच राहण्याचे पसंत केले आहे. तसेच त्यांच्या दोन्ही घरांना रायगड व राजगड असे घरांना नाव दिले आहे. महापुरुषांच्या जयंतीला लोहारे सर अनेकांना शिवाजी महाराज, डॉक्टर बाबासाहेब आंबेडकर, महात्मा फुले यांच्या जयंती निमित्त गावातील प्रतिमा म्हणून भेट देत असतात. शिक्षक प्रदीप लोहारे सतत हे कार्य त्यांच्या शेवटच्या जीवनातपर्यंत करणार आहेत. आता पर्यंत त्यांनी जवळ पास पाचशे लोकांच्या मृत्यू नोंद ठेवली आहे.
