बोदवड (प्रतिनिधी) बोदवड तहसील कार्यालयात ७ तलाठ्यांची नियुक्त्या नुकत्याच करण्यात आल्या आहेत. या नियुक्त्यांसाठी आमदार चंद्रकांत पाटील यांनी पाठपुरावा केला होता.
तहसिल कार्यालय बोदवड येथे तलाठ्यांची २१ पदे मंजूर आहेत. त्यापैकी १२ तलाठी कार्यरत होते. तलाठ्यांच्या ९ जागा रिक्त होत्या. गेल्या काही दिवसांपासून या रिक्त जागा भरण्या संदर्भात आमदार चंद्रकांतभाऊ पाटिल यांनी तगादा लावला होता. जिल्ह्यातील रिक्त जागा भरण्यासंदर्भात सर्वच आमदार व जिल्हा प्रशासनाकडून राज्यस्तरावर मागणी होत होती. मागील काळात तलाठी भरतीच्या ज्या परीक्षा झाल्या त्या परिक्षेत ऊत्तीर्ण झालेल्यांपैकी ७ तलाठ्यांची बोदवडला ‘दिनांक २५ रोजी झालेल्या जिल्हा नियोजन समितीच्या बैठक पुर्वी नेमणूक करण्यात आली.यावेळी पालकमंत्री गुलाबराव पाटील, ग्रामविकास मंत्री गिरीष महाजन, मदत व पुनर्वसन मंत्री अनिल पाटील, आमदार चंद्रकांत पाटील, जिल्हाधिकारी आयुष प्रसाद व इतर आमदारांच्या उपस्थितीत नियुक्ती पत्र तलाठ्यांना देण्यात आले. यावेळी नियुक्ती पत्र मिळालेल्या ७ तलाठ्यांची बोदवड तहसिल कार्यालयात नियुक्ती करण्यात आली.