जळगाव (प्रतिनिधी) भाडेतत्वावरील घरावरून वाद होऊन एकमेकांना मारहाण करण्यात आली. ही घटना दि. १६ नोव्हेंबर रोजी जिल्हा बँक कॉलनी परिसरात घडली. याप्रकरणी परस्परविरोधी तक्रारीवरून आठ जणांविरुद्ध गुन्हा दाखल करण्यात आला आहे.
शहरातील श्रीरत्न कॉलनीत राहणाऱ्या हसीनाबाई मुसा तडवी (वय ७५) यांनी दिलेल्या फिर्यादीत म्हटले आहे की, त्यांचे मालकीचे घर ते पाहण्यासाठी गेले असता त्याचा राग आल्याने त्यांच्यासह मुलगी नरगीस तडवी यांना चार जणांनी धक्काबुक्की करीत मारहाण केली. यावरून अज्ञात पुरुष, त्याची आई, पत्नी व मुलाविरुद्ध अदखलपात्र गुन्हा दाखल करण्यात आला आहे. तर मनीषा मुकेश पाटील (वय ३५, रा. जिल्हा बँक कॉलनी) यांनी फिर्यादीत म्हटले आहे की, त्यांनी भाडेतत्वावर घेतलेल्या घरात त्यांचा चालक भाडेकरू म्हणून राहत असल्याचा राग आल्याने मनीषा यांच्यासह त्यांच्या सासू, मुलगी, मुलगा यांना धक्काबुक्की करून मारहाण केली. या प्रकरणी चार जणांविरुद्ध अदाखलपात्र गुन्हा दाखल करण्यात आला आहे.
