धरणगाव (प्रतिनिधी) बागबान समाज मंगल कार्यालयाचा निधी मंजूर झाल्याने बागवान समाज बांधवांनी स्वच्छता व पाणीपुरवठा तथा पालकमंत्री गुलाबराव पाटील यांची पाळधी येथील निवास्थानी भेट घेतली. तसेच निधी उपलब्ध करून दिल्याबद्दल ना. गुलाबराव पाटील यांचे बागवान समाज बांधवांनी आभार मानले.
बागवान समाजाने गेल्या महिन्याभरापूर्वी बागबान समाज मंगल कार्यालय बांधण्यासाठी निधी उपलब्ध करून देण्याची गुलाबराव पाटील यांच्याकडे मागणी केली होती. यानंतर आता निधी मंजूर झाला असून बागवान समाजाने काल दिनांक 31 रोजी गुलाबराव पाटील यांची पाळधी येथील निवास्थानी भेट घेतली. यावेळी बागवान समाजाने शाल देऊन ना. पाटील यांचा सत्कार केला. यावेळी सत्कार करताना शकील बागवान, रफिक बागवान, हमीद बागवान, रसीर बागवान, सकील बागवान, शरीफ बागवान, रशीद बागवान, सुल्लतान बागवान, कालु बागवान आदी उपस्थित होते.
