जळगाव (प्रतिनिधी) रुग्ण सेवेत रुग्णवाहिकेचे अनन्य साधारण महत्त्व असून, स्व. अमोल अण्णाभाऊ कोळी यांच्या स्मरणार्थ श्री अण्णाभाऊ विठ्ठल कोळी यांनी दिलेल्या रुग्ण्‍वाहिकेमुळे गरजू रुग्णांना जलद उपचार मिळण्यास मदत होणार असून जीवनदायी ठरणार आहे. भोलाणे व परिसरातील नागरिकांचे आशीर्वाद माझ्या पाठीशी राहिले आहे. महर्षी वाल्मिक सभागृहसाठी व वाचनालयासाठी निधी मंजूर करणार असल्याचे सांगत भोलाणे व परिसर वासियांनी दिलेल्या प्रेमापोटी कामातून उतराई होणार असल्याचे भावानोद्गार पाणीपुरवठा व स्वच्छता मंत्री तथा पालकमंत्री गुलाबराव पाटील यांनी काढले ते भोलाणे येथे रुग्णवाहिका लोकार्पण व विकास कामांचे भूमिपूजन प्रसंगी बोलत होते. कार्यक्रमाच्या अध्यक्षस्थानी शिवसेनेचे जिल्हा प्रमुख निलेश पाटील होते.
या कामांचे झाले लोकार्पण व भूमिपूजन !
सुरुवातीला ढोल ताश्यांच्या गजरात पालकमंत्री गुलाबराव पाटील, जिल्हा प्रमुख निलेश पाटील व मान्यवरांची मिरवणूक काढण्यात येऊनग्रामपंचायत, वि. का. सोसायटी , भजनी मंडळ व ग्रामस्थ मार्फत ना.गुलाबराव पाटील यांचा सत्कार करण्यात आला. यावेळी काही महिन्यांपूर्वी स्व. अमोल कोळी यांचे अपघातात मृत्यू झाला होता त्यांच्या स्मरणार्थ त्यांच्या कुटुंबीयांनी अण्णा विठ्ठल कोळी व भरत येवस्कर यांनी गाव व परिसरासाठी रुग्ण्‍वाहिका देण्याचा निर्णय घेतला होता. जिल्ह्याचे पालकमंत्री गुलाबराव पाटील यांच्या हस्ते सदर रुग्णवाहिकेचे लोकार्पण करण्यात आले. तसेच गावं अंतर्गत २० लाखाच्या रस्ता काँक्रीटीकरण व आमदार निधीतील 3 लाखाच्या चौक काँक्रीटीकरण कामाचे विधिवत पूजा करून ना. गुलाबराव पाटील यांच्या हस्ते भूमिपूजन करण्यात आले.
भोलणे व परिसरातील रस्त्यांसाठी १५ कोटींचा निधी मंजूर !
भोलाणे असोदा रस्ता- ७ कोटी, भोलाणे ते भादली रस्ता व भादली ते नशीराबाद रस्त्याचे डांबरीकरण – ५ कोटी , भोलाणे ते सुजदे रस्ता सुधारणा करणे – ५० लक्ष, भोलाणे ते सुजदे रस्ता डांबरीकरण व Concrete करणे – ५० लक्ष, भोलाणे गावात जलजीवन मिशन अंतर्गत पाणी पुरवठा योजना – ४० लक्ष, गावांतील प्राथमिक आरोग्य केंद्र बांधकाम – १ कोटी ५० लक्ष, गावात सभागृह बांधकाम, रस्ते काँक्रीट, पेव्हिंग ब्लॉक बसविणे, २५/१५ मूलभूत सुविधे अंतर्गत , आमदार निधीतून आणि गौण खनीज व इतर योजनेतुन सुमारे ८० लक्ष असे एकूण १५ कोटी ७० लाखाचा निधी मंजूर असून काही कामे प्रगतीत तर काही कामना लवकरच वर्क ऑर्डर देण्यात येणार आहे. या विविध विकास कामांमुळे शेतकरी ग्रामस्थांनी पालकमंत्री गुलाबराव पाटील यांचे आभार मानून समाधान व्यक्त केले आहे.
यांची होती उपस्थिती !
कार्यक्रमाचे प्रास्ताविक व सूत्रसंचालन नामदेव सपकाळे सर यांनी केले. आभार अजय कोळी यांनी मानले. या प्रसंगी जिल्हा जिल्हाप्रमुख निलेश पाटील, उप जिल्हाप्रमुख नरेंद्र सोनवणे, सामाजिक कार्यकर्ते भरत येवस्कर , तुषार महाजन, भादली सरपंच मिलिंद चौधरी, भोलाणे सरपंच नितीन कोळी, उपसरपंच देविदास कोळी , माजी सरपंच नानाभाऊ सोनवणे, भिमराव सपकाळे, अजय कोळी, रामकृष्ण कोळी, सोमनाथ कोळी, नागो कोळी, समाधान कोळी, ग्रा .पं.सदस्या सुरेखा कोळी, शोभाताई कोळी, लताबाई कोळी तसेच किशोर चौधरी, संदीप कोळी, सलीम पिंजारी, भूषण पाटील, प्रकाश सपकाळे, दिनेश नारखेडे, युवराज सपकाळे, कडू कोळी, हर्षल नारखेडे, वासुदेव कोळी, भिमराव सपकाळे, रामदास सपकाळे यांच्यासह भोलाणे – भादली परिसरातील पदाधिकारी व ग्रामस्थ मोठ्या संख्येने उपस्थित होते.
