भुसावळ (प्रतिनिधी) तालुक्यातील कुऱ्हे पानाचे गावातील बालाजी सुपर शॉप दुकान फोडून दुकानातून एकूण २० हजार ९०० रुपये किमतीचा मुद्देमाल चोरून नेल्याची घटना शुक्रवारी २० सप्टेंबर रोजी सकाळी ८ वाजता उघडकीला आली आहे. याप्रकरणी दुपारी १ वाजता भुसावळ तालुका पोलीस ठाण्यात अज्ञात चोरट्यांवर गुन्हा दाखल करण्यात आला आहे.
पोलीस सूत्राने दिलेली माहिती अशी की, भुसावळ तालुक्यातील कुऱ्हे पानाचे गावात बालाजी सुपर शॉप दुकान आहे. हे दुकान आक्रोश संजय शिंदे (वय २८) यांचे आहे. दुकान चालवून ते आपला उदरनिर्वाह करतात. बालाजी सुपर शॉप दुकान बंद असताना मध्यरात्री अज्ञात चोरट्याने दुकानातील किराणा वस्तू व रोकड असा एकूण २ हजार ९०० किमतीचा मुद्देमाल चोरून नेला. ही घटना शुक्रवारी २० सप्टेंबर रोजी सकाळी ८ वाजता उघडकीला आले आहे. याप्रकरणी दुकानदार आक्रोश शिंदे यांनी भुसावळ तालुका पोलीस ठाण्यात तक्रार दिली आहे. त्यांनी दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. या गुन्ह्याचा पुढील तपास पोलीस हेडकॉन्स्टेबल कैलास बाविस्कर हे करीत आहे.
