भुसावळ (प्रतिनिधी) भुसावळ बाजार समितीमध्ये महाविकास आघाडीला मोठा धक्का बसला आहे. येथे आमदार संजय सावकारे यांच्या नेतृत्वात भाजपने एकहाती सत्ता मिळवली आहे.
भुसावळ बाजार समितीत 18 पैकी 15 जागांवर भाजप आणि शिंदे गटाच्या शेतकरी विकास पॅनलचा विजय झाला आहे. आमदार संजय सावकारे यांनी बाजार समितीवर एकहाती सत्ता मिळवली आहे. या ठिकाणी महाविकास आघाडीच्या शेतकरी सहकार पॅनलला केवळ तीन जागांवर समाधान मानावे लागले आहे. दरम्यान, महाविकास आघाडीचे नेते एकनाथ खडसे व माजी आमदार संतोष चौधरी यांना हा मोठा धक्का मानला जात आहे. जळगाव जिल्ह्यातील बारा बाजार समितीच्या निवडणुकीसाठी आज पहिल्या टप्प्यात 6 बाजार समित्यांची मतमोजणी सुरु आहे.