जळगाव (प्रतिनिधी) जिल्हा क्रीडा अधिकारी कार्यालय व जळगाव जिल्हा बुद्धिबळ संघटना आयोजित व जैन स्पोर्ट्स अकॅडमी व जळगाव स्पोर्ट्स हाऊस प्रायोजित १९ वर्षे खालील नाशिक विभागीय बुद्धिबळ स्पर्धेचे आयोजन कांताई सभागृह येथे करण्यात आलेले होते.
सदर स्पर्धेत जळगाव,धुळे, नंदुरबार, मालेगाव, नाशिक येथील ऐंशी मुला-मुलींनी आपला सहभाग नोंदविला होता. स्पर्धेत एकूण सहा फेऱ्या घेण्यात आल्या या स्पर्धेतील प्रथम पाच मुले व पाच मुलींना जळगाव स्पोर्ट्स हाऊस तर्फे सुवर्णपदक देण्यात आले. स्पर्धेचे पारितोषिके खेळाडूंना महाराष्ट्र बुद्धिबळ संघटनेचे उपाध्यक्ष फारुक शेख, एल आय सी चे चंद्रशेखर देशमुख,धुळे चे अप्पर कोषागार अधिकारी प्रवीण देवरे, संघटनेचे प्रवीण ठाकरे, धुळेच्या प्रशिक्षक मुकेश सोनवणेसह क्रीडा अधिकारी कार्यालयाचे मीनल थोरात यांच्या हस्ते देण्यात आले.
स्पर्धेत पंच म्हणून प्रवीण ठाकरे, सोमदत्त तिवारी यांनी काम पाहिले.
मुले अंतिम निकाल
१) नाशिक स्वप्नील गोरे
२) धुळे सुहास कोतकर
३) जळगाव उज्वल आमले
४) जळगाव मयूर बडगुजर
५) धुळे सार्थक पाटील
मुली अंतिम निकाल
१) नाशिक वृंदा राठी
२) नाशिक सृष्टी राका
३) धुळे पूर्वा भामरे
४) जळगाव मित काबरा
५) नंदुरबार वैष्णवी महाजन
