जळगाव (प्रतिनिधी) निमखेडी शिवारातील साई पॅलेस परिसरातील प्रबोधन नगरातील बंद घर फोडून अज्ञात चोरट्यांनी दीड लाखांचा ऐवज लंपास लंपास केला आहे. याप्रकरणी तालुका पोलीस ठाण्यात गुन्हा दाखल करण्यात आला आहे.
विजया चंद्रप्रकाश पद्मावत (वय ४५ रा. साई पॅलेस, प्रबोधन नगर निमखेडी शिवार) ह्या आपल्या परिवारासह वास्तव्याला आहे. कामाच्या निमित्ताने १३ ऑक्टोबर रोजी सकाळी ९ वाजता विजया पद्मावत हे घराला कुलूप लावून बाहेरगावी गेले होते. याच काळात अज्ञात चोरट्यांनी बंद घराचे कडी कोयंडा तोडून आत प्रवेश केला. तसेच घरातून सोन्याचे व चांदीचे दागिने आणि रोकड असा एकुण १ लाख ५४ हजार रूपये किंमतीचा मुद्देमाल चोरून नेला. हा प्रकार शुक्रवारी २० ऑक्टोबर रोजी सायंकाळी ६ वाजता विजया पद्मावत या घरी आल्यावर उघड झाला. या प्रकरणी जळगाव तालुका पोलीस ठाण्यात अज्ञात चोरट्यांविरोधात गुन्हा दाखल करण्यात आला असून पुढील तपास पोलीस उपनिरीक्षक नयन पाटील हे करीत आहे.
