अकोला (वृत्तसंस्था) पोलीस स्टेशन एमआयडीसी येथे कार्यरत असलेले पोहेकॉ संजय बळीराम इंगळे यांना दोन महीने आधी ब्रेन स्ट्रोक आला होता. त्यांना आजपर्यंत दहा ते बारा लाख रूपये खर्च आला असून सध्या दररोजचा खर्च हा दहा ते पंधरा हजार रूपये खर्च होत आहे. त्यामुळे त्यांच्या सहकाऱ्यांनी ज्यांना शक्य असेल त्यांनी मदत करावी, असे आवाहन केले आहे.
पोहेकॉ संजय बळीराम इंगळे यांना दोन महीने आधी ब्रेन स्ट्रोक आला होता. आजार गंभीर व तब्बेत गंभीर असल्याने त्यांना नागपूर येथे रवाना करण्यात आले होते. तेथे त्यांचे ब्रेनचे ऑपरेशन झालेले आहे. त्यांना आजपर्यंत दहा ते बारा लाख रूपये खर्च आला असून पूर्ण उपचार करण्याकरीता त्यांच्याकडे आता पैसे नसल्याने परत अकोला येथे आयकॉन हॉस्पिटलला परत आणण्याबाबत विचार सुरु असल्याचे इंगळे यांच्या परिवाराने सांगीतले.
दरम्यान, अकोला येथे एकही हॉस्पिटलमध्ये पोलीस प्लॅनवर नसल्याने मोठी अडचण होत आहे. दुसरीकडे नागपूर येथील दररोजचा खर्च हा दहा ते पंधरा हजार रूपये आहे. त्यांना तो शक्य होत नाही. त्यामुळे ज्यांना जसजसी मदत करता येईल तशी आपल्या परीने करावी, असे आवाहन अकोला एमआयडीसी पोलीस स्टेशनचे पोहेकॉ विजय काकड यांनी केले आहे. आतापर्यंत अनेकांनी इंगळे यांना मदत देखील केली आहे. याबाबतचे वृत्त ‘पुण्य नगरी’ने दिले आहे.
