धरणगाव (प्रतिनिधी) शहरात मागील वीस ते बावीस दिवसांपासून पाणीपुरवठा खंडित आहे. याच्या निषेधार्थ भाजपाने पालकमंत्री ना. गुलाबराव पाटील यांना काळे झेंडे दाखवत काल निदर्शने केली होती. याबाबत पोलिसांनी भाजपच्या 10 पदाधिकाऱ्यांनी विरुद्ध गुन्हा दाखल केला आहे.
याबाबत पोकॉ/ १५७१ शामराव उखा भिल नेमणूक-धरणगाव पोलीस स्टेशन यांनी सरकारतर्फे फिर्याद दिली आहे की, मी मागील पोस्टेला सुमारे दोन वर्षांपासून नेमणुकीस असून गोपनीय विभागाला कामकाज करतो. दिनांक ३ जून २०२१ रोजी सायंकाळी १८.३० वाजता पाणी पुरवठा व स्वच्छता कॅबिनेट मंत्री तथा ना. गुलाबराव पाटील यांच्या हस्ते महात्मा गांधी उद्यानाचे उद्घाटनाचा कार्यक्रम चालू होता. त्यावेळी अचानक गोपनीय माहिती मिळाली की, धरणगाव शहरात महात्मा गांधी उद्यान या कार्यक्रमाच्या ठिकाणी भारतीय जनता पक्षाचे पदाधिकारी व कार्यक्रते त्यामध्ये १) संजय छगन महाजन, २) दिलीप श्रावण महाजन (शहराध्यक्ष), ३) ललित बाळकृष्ण येवले, ४) कडूसिंग बयास ५) कैलास मधुकर माळी, ६) प्रवीण महाजन उर्फ (टोनी), ७) पूणिलाल भादू महाजन, ८) शिरीष घनश्यामसिंग बयास, ९) कन्हैय्या भास्कर रायपूरकर, १०) जिजाबराव गिरधर पाटील हे ना. पालकमंत्री यांच्या कार्यक्रमाचे ठिकाणी काळे झेंडे हातात घेऊन निषेध व घोषणाबाजी करत आहेत.
यावेळी मी तसेच पो.नि. अंबादास शांताराम मोरे, पोउनि गोकुळ गवारे यांनी मिलिंद सोनार, पोहेकॉ अशोक गुरव, पोहेकॉ संतोष थोरात, पोहेकॉ संजय सूर्यवंशी, पोहेकॉ दिलीप थोरे, पोहेकॉ रामदास पावरा, पोना हरीश विश्वास तेली, पोकॉ विनोद किरण सदाशिव, पोकॉ विजय धनगर, पोकॉ संतोष पाटील, पोकॉ अनिल रमेश साळुंखे, होमगार्ड २४५२ शाम पवार, होमगार्ड शिवार्जून पाटील, होमगार कैलास चौधरी, होमगार्ड विजय रोकडे, होमगार्ड ईश्वर पाटील, होमगार्ड महेंद्र निकम, होमगार्ड स्वप्नील जैन, होमगार्ड स्वप्नील बडगुजर, होमगार्ड निंबा धनगर अशांनी वरील लोकांना हॉटेल व्हाईट हाऊस जवळ अडविले. यावेळी आंदोलन कर्ते १) गो बॅक गो बॅक गुलाब पाटील गो बॅक २) पाणी पाणी चोहीकडे गुलाब पाटील कोणी कडे ३) उठ ओबीसी जागा हो एकजुटीचा धागा हो ४) आरक्षण आहे हक्काचे, नाही कुणाचे बापाचे ५) पालकमंत्र्याचा धिक्कार असो ६) पाणी द्या पाणी द्या गुलाब पाटील पाणी द्या ,अशी जोरजोरात घोषणाबाजी करत आरडाओरड केली.
सदर आंदोलनकर्ते यांनी पोलीस स्टेशनची कोणतीही पूर्व परवानगी न घेता बेकायदेशीर जमाव जमवून जळगाव जिल्हाधिकारी यांचेकडील आदेश क्र. दंडप्र/१/कवि/२०२१/१८९ व दि. २४/०५/२०२१ अन्वये दि. २४/०५/२०२१ ते ०७/०६/२०२१ रोजी पावेतो लागू आदेशाचे उल्लंघन केले आहे. म्हणून माझी त्यांचे विरुद्ध म.पो.का.क कलम ३७(१)(३) उल्लंघन १३५ प्रमाणे कायदेशीर तक्रार असल्याचे फिर्यादीत म्हटलं आहे.
