मुंबई (वृत्तसंस्था) माजी गृहमंत्री अनिल देशमुख यांच्या घरावर ईडीने आज छापे टाकले. ईडीच्या कारवाईवर भाजपचे नेते किरीट सोमय्या यांनी प्रतिक्रिया देताना अनिल देशमुख आणि परिवहन मंत्री अनिल परब यांना सूचक इशारा दिला. अनिल देशमुख यांच्या घरावर आज धाड पडली आहे. परंतु काही दिवसांनी अनिल देशमुख जेलमध्ये असतील, असं म्हणत अनिल परब, मिलिंद नार्वेकरांचीही सीबीआय चौकशी करा अशी मागणी किरीट सोमय्यांनी केली आहे.
पत्रकारपरिषदेत बोलताना किरीट सोमय्या म्हणाले, अनिल परब नंतर मिलिंद नार्वेकरांना परब यांना पण त्याच वाटेवर जावं लागणार आहे. मिलिंद नार्वेकरांना दापोली-मुरूड किनाऱ्यावर अनिल परब याच्या घरापासून काही फुटाच्या अंतरावर भव्य बंगला बांधण्यास सुरूवात केली आहे. या बंगल्यासाठी समुद्र किनाऱ्यावरील साडेचारशे झाडं कापली. आज त्या जागेची किंमत १० कोटी आहे, दोन मजली बंगल्याचं बांधकाम सुरू आहे आणि बहुतेक त्याला मार्गदर्शन पर्यारवणमंत्री आदित्य ठाकरेंचं आहे. कोणत्याही प्राधिकरणाकडून परवानगी घेतलली नाही. अनिल परब यांच्या बंगल्यावर मिलिंद नार्वेकर जात असतात व मिलिंद नार्वेकरांच्या बंगल्यावर अनिल परब जात असतात, आणि या दोघांच्या बंगल्याची काळजी मुख्यमंत्री उद्धव ठाकरे व पर्यावरणमंत्री आदित्य ठाकरे घेतात.
देशमुख यांच्या नागपूर आणि मुंबईतील घरावर ईडीचा छापा
अनिल देशमुख यांच्याविरोधात ईडीने कारवाई केली असून नागपूरसह वरळीच्या घरावरही छापा टाकण्यात आला आहे. ईडीकडून एकीकडे अनिल देशमुखांच्या नागपूरमधील निवासस्थानी छापा टाकण्यात आलेला असताना दुसऱ्य़ा टीमने वरळीच्या सुखदा इमारतीमधील घरावरही छापा टाकला आला असून झाडाझडती सुरु आहे
