नवी दिल्ली वृत्तसंस्था । काँग्रेस अध्यक्षा सोनिया गांधी उपचारांसाठी अमेरिकेला रवाना झाल्या आहेत. त्यांच्यासोबत राहुल गांधीही अमेरिकेला गेले आहेत. हे रुटीन मेडिकल चेक अप आहे, अशी माहिती काँग्रेसचे प्रवक्ते रणदीप सुरजेवाला यांनी दिले आहे.
काँग्रेस अध्यक्षा सोनिया गांधी उपचारांसाठी शनिवारी अमेरिकेला रवाना झाल्या आहेत. त्यांच्यासोबत राहुल गांधी देखील आहे. नियमित वैद्यकीय तपासणीसाठी त्या अमेरिकेला गेल्या आहेत. त्याचप्रमाणे राहुल गांधी आठवडाभरात पुन्हा भारतात परततील असं सांगण्यात येत आहे. दरम्यान सोनिया गांधी यांची वैद्यकीय चाचणी यापूर्वीच करण्यात येणार होती. परंतु कोरोनाचा वाढता प्रादुर्भाव पाहता त्यांची वैद्यकीय तपासणी आता करण्यात येणार आहे. अशी माहिती काँग्रेसचे प्रवक्ते रणदीप सुरजेवाला यांनी दिले आहे.
वैद्यकीय चाचणीसाठी अमेरिकेत गेल्यामुळे सोनिया गांधी संसदेच्या अधिवेशनात उपस्थित राहू शकणार नाहीत. सोनिया गांधी दोन आठवड्यांनी भारतात परततील असंही काँग्रेसच्या सूत्रांनी सांगितल्याचं एएनआयने म्हटलं आहे. आठवडाभरात राहुल गांधी पुन्हा परतल्यानंतर पावसाळी अधिवेशनात सहभागी होतील असंही काँग्रेसने स्पष्ट केलं आहे.
