नवी दिल्ली (वृत्तसंस्था) देशाच्या अनेक भागात लाऊडस्पीकरवर हनुमान चालिसाचं पठन आणि दंगलीतील आरोपींच्या घरांवर बुलडोझरद्वारे करण्यात येत असलेल्या कारवाईवर असदुद्दीन ओवेसी यांनी माध्यमाशी संवाद साधला. ओवेसी म्हणाले की, ”महाराष्ट्राला (Maharashtra) उद्ध्वस्त करण्याचे षडयंत्र रचले जात आहे. रमजानच्या महिन्यात हा मुद्दा उपस्थित केला जात आहे.
देशाच्या अनेक भागात लाऊडस्पीकरवर हनुमान चालिसाचा कार्यक्रम आणि दंगलीतील आरोपींच्या घरांवर बुलडोझरद्वारे करण्यात येत असलेली कारवाई यावर असदुद्दीन ओवैसी यांनी एका वृत्तसंस्थेशी संवाद साधला. पंतप्रधान नरेंद्र मोदी यांच्या निवासस्थानाबाहेर मुस्लिमांनी कुराण शरीफ वाचल्यास काय होईल, असेही असदुद्दीन ओवैसी म्हणाले. संविधानाने देश चालवला पाहिजे. मला जे हवे ते होईल, असे वाटले तर अराजकता येईल. जे उघडपणे धमक्या देत आहेत, तारखा देत आहेत, ते काय करणार, त्यांचा हेतू काय आहे. राज्यघटना आणि नियमांनुसार पावले उचलली जातील, असे महाराष्ट्र सरकारने लाऊडस्पीकरवर आधीच सांगितले आहे. भाजप मुस्लिमांना सामूहिक शिक्षा देत आहे. भाजपने मुस्लिमांविरुद्ध युद्ध पुकारल्याचे असदुद्दीन ओवैसी म्हणाले.
आसिफ खानने मध्य प्रदेशातील दिंडोरी येथील मुलीशी लग्न केले. त्याला देशद्रोही ठरवून घर फोडण्यात आले आहे. आयपीसी आणि सीआरपीसीच्या नियमांची पायमल्ली करणारा हा बुलडोझर चालू आहे. भाजप अध्यक्ष दिल्लीत घरे फोडण्याबाबत उघडपणे बोलत आहेत. जहांगीरपुरीमध्ये हा सर्व प्रकार घडला असताना दिल्लीचे मुख्यमंत्री अरविंद केजरीवाल गप्प बसले आहेत. त्यांच्या घरावर हल्ला झाला की ते आकाश डोक्यावर घेतात, असेही असदुद्दीन ओवैसी म्हणाले.
