धरणगाव (प्रतिनिधी) पारोळा येथे एका दलीत मुलीवर तीन नराधमांनी अत्याचार करून जबरदस्तीने विष पाजुन पुरावा नष्ट व्हावा, या हेतुने तिला ठार केले. या घटनेच्या निषेधार्थ धरणगाव भाजपकडून तहसीलदार नितीन देवरे व सपोनि श्री. गुंजाळ यांना निवेदन देत आरोपींना तात्काळ शिक्षा व्हावी, अशी मागणी केली आहे.
निवेदनात म्हटले आहे की, खान्देशात अशा घटना सतत घडत असून शासन व प्रशासनाचा गुंड प्रवृतीच्या लोकांवर वचक राहीलेला दिसून येत नाही. तरी सदर घटनेची त्वरीत सखोल चौकशी होऊन संबंधीत आरोपींना अटक करण्यात यावी. तसेच या घटनेचा भारतीय जनता पार्टी धरणगाव तालुक्याच्या वतीने आम्ही तीव्र शब्दात निषेध व्यक्त करतो. सदरील खटला फास्ट ट्रॅक कोर्टात चालवावा व सरकार पक्षाकडून अँड.उज्वल निकम यांची नियुक्ती करण्यात यावी. तसेच त्या आरोपींना कठोरातील कठोर शिक्षा व्हावी आणि पिडीत मुलीच्या कुटुंबियांना न्याय मिळावा, अशी मागणी करण्यात आली आली. यावेळी तालुकाध्यक्ष जिजाबराव पाटील, शेखर पाटील, महिला तालुकाध्यक्ष माधुरी अत्तरदे, शहराध्यक्ष दिलीप महाजन, अँड.वसंतराव भोलाने, गटनेते कैलास माळी, तालुका सरचिटणीस ललित येवले, नगरसेवक शरद धनगर, नगरसेविका शोभा राजपुत, संगीता मराठे, महिला तालुका उपाध्यक्ष प्रमिला रोकड़े, मनीषा महाजन, सुनिल चौधरी, राजु महाजन, टोनी महाजन, विजय महाजन, सचिन पाटील आदी पदाधिकारी, कार्यकर्ते उपस्थित होते.
