धरणगाव (प्रतिनिधी) येथील भवानी मातेच्या मंदिराकडे जाणाऱ्या रस्त्याचे काम पूर्णत्वास आलेय. शहरातील जागृत देवस्थान भवानी मातेच्या भक्तांकरिता एकप्रकारे ही मोठी खुशखबर आहे.
भवानी मातेच्या दर्शनाकरिता धरणगावातील असंख्य भक्त नवरात्रीत व दररोज जात असतात. भवानी मातेच्या भक्तांना पावसाळ्यात मंदिरात जाण्याकरिता खूप त्रास सहन करावा लागत असे. म्हणून भवानी मातेच्या भक्तांचे शिष्टमंडळ पालकमंत्री गुलाबराव पाटील यांना भेटले होते. यावेळी पालकमंत्र्यांनी भवानी मातेच्या भक्त मंडळाच्या शिष्टमंडळाला आश्वासन दिले होते की, रस्ता तात्काळबनवला जाईल. तेव्हापासून तर आज काम पूर्ण होईपर्यंत जिल्हा परिषद सदस्य तथा युवानेते प्रतापभाऊ पाटील यांनी व्यक्तिगत लक्ष घातले आणि नुकतेच मंदिराकडे जाणाऱ्या रस्त्याचे काम अखेर पूर्ण झाले. यावेळी भवानी मातेच्या भक्तांनी आनंद व्यक्त केला.
