धरणगाव (प्रतिनिधी) तालुक्यातील परीट समाजाच्या शिष्ट मंडळाने शिवसेनेचे प्रवक्ते पी.एम. पाटील यांच्यासोबत पालकमंत्री गुलाबराव पाटील यांची सदिच्छा भेट घेत विविध मागण्यांचे नुकतेच निवेदन दिले. यावेळी धरणगाव तालुक्यातील परीट समाजाच्या मागण्यांना न्याय देण्याची ग्वाही ना. पाटील यांनी शिष्टमंडळाला दिली.
धरणगाव तालुक्यातील धरणगाव शहरात संत गाडगेबाबा यांचे स्मारक व्हावे, जळगाव चौफुलीला संत गाडगेबाबा चौफुली असे नामकरण करण्यात यावे, अशा मागणीचे निवेदन देण्यात आले. पालकमंत्री गुलाबराव पाटील यांनी शिष्टमंडळाला सांगितलं की, संत गाडगेबाबांचे नाव देण्यास कोणाचाही विरोध नाही. तुम्ही सांगाल त्या ठिकाणी तात्काळ चांगली जागा पाहून त्या ठिकाणी भव्य दिव्य संत गाडगेबाबांचे स्ट्रक्चर उभे केले जाईल व चौकाला सुद्धा नाव दिले जाईल, असे आश्वासन दिले.
याप्रसंगी जळगाव जिल्हा शिवसेनेचे प्रवक्ते माजी नगराध्यक्ष पी एम पाटील, परीट समाजाचे जिल्ह्याचे नेते छोटूभाऊ जाधव, प्रकाश बापू जाधव, धरणगाव तालुका परीट समाजाचे अध्यक्ष अशोक बंडू जाधव, शहराध्यक्ष गणेश जाधव, युवक शहराध्यक्ष विनोदभाऊ रोकडे, उबाटा सेनेचे उपशहर प्रमुख रवींद्र जाधव, भूषण जाधव, प्रकाश पंडित जाधव, नितीन जाधव, धरणगाव तालुका शेतकरी संघटनेचे तालुका संघटक जितेंद्र धोबी, माजी कुस्तीपटू रामभाऊ सोनवणे यांच्यासह आदि उपस्थित होते.
