जळगाव (प्रतिनिधी) राजमल लाखीचंद ज्वेलर्स प्रायव्हेट लिमिटेड, आर एल गोल्ड प्रायव्हेट लिमिटेड व मनराज ज्वेलर्स प्रायव्हेट लिमिटेड आणि इतरांच्या बँक फसवणूक प्रकरणात ईडीकडून ३१५ कोटींच्या ७० स्थावर मालमत्ता जप्त करण्यात आल्या आहेत. याबाबतची माहिती ईडीने आपल्या ट्वीटरवरून दिली आहे.
सीबीआयने काही महिन्यापूर्वी गुन्हे दाखल केले होते. त्या आधारावर ईडीकडून मनीलाँड्रीग प्रकरणी तपास सुरू होता. या तपासात मनी लाँड्रींग झाल्याचे निष्पन्न झाल्यानंतर ही जप्तीची कारवाई करण्यात आल्याचे सांगण्यात येत आहे. ईडीने जळगाव, मुंबई, ठाणे, सिल्लोड आणि कच्छमधील 70 स्थावर मालमत्ता आणि जंगम मालमत्ता तात्पुरत्या स्वरुपात जप्त केल्या आहेत. 13 ऑक्टोबर 2023 रोजी पीएमएलए, 2002 अंतर्गत ही कारवाई करण्यात आलेली आहे.
राजमल लखीचंद ज्वेलर्स प्रायव्हेट लिमिटेड, आरएल गोल्ड व मनराज ज्वेलर्स आणि त्यांचे प्रवर्तक ईश्वरलाल शंकरलाल जैन लालवानी, मनीष ईश्वरलाल जैन लालवानी आणि इतरांनी मिळवलेल्या बेनामी मालमत्तांचा समावेश असल्याचे कळते. याबाबतचे वृत्त ‘एबीपी माझा’ने दिले आहे.
शनिवारी आर. एल. ज्वेलर्सच्या अकाउंट रूमला लागली आग !
शहरातील रथ चौक परिसरातील आर.एल. ज्वेलर्स शोरूमच्या तिसऱ्या मजल्यावरील बंद अकाउंट रूमला शॉर्ट सर्किटमुळे आग लागल्याची घटना शनिवारी सायंकाळी ६.३० वाजेच्या सुमारास घडली. या आगीत कॉम्युटर, सीपीदुसह अकाउंटच्या काही फाइल्स जळून खाक झाल्याचे कळते. धूर निघत असल्याचे कर्मचाऱ्यांच्या लक्षात आल्यावर त्यांनी तातडीने अग्निशमन दलाला कळविले. त्यानंतर अग्निशमन दलाच्या पथकाने आगीवर नियंत्रण मिळवले.
ED has provisionally attached 70 immovable assets located in Jalgaon, Mumbai, Thane, Sillod and Kutch among other areas and movable assets, all valued at Rs.315.60 Crore in bank fraud case of M/s Rajmal Lakhichand Jewelers Pvt. Ltd., M/s R L Gold Pvt. Ltd., and M/s Manraj… pic.twitter.com/XrLHcC4LR2
— ED (@dir_ed) October 15, 2023
