एरंडोल (प्रतिनिधी) पालिकेचे सील केलेले गाळे ताब्यात देवून त्याचे नूतनीकरण करण्याच्या मोबदल्यात दिड लाखांची लाच मागणाऱ्या एरंडोल पालिकेतील लाचखोर कार्यालय अधीक्षक संजय दगडू धमाळ याचा जामीन अर्ज आज न्यायालयाने फेटाळून लावला आहे.
आरोपी धुमाळला आज शनिवारी न्यायालयात हजर केले असता त्यास न्यायालयीन कोठडी सुनावली. दरम्यान, आरोपीने जामिनासाठी अर्ज केल्यानंतर न्यायालयाने तो फेटाळल्याने आरोपीची जळगाव कारागृहात रवानगी करण्यात आली.
एरंडोल शहरातील ५१ वर्षीय तक्रारदार यांचे पत्नीच्या नावे असलेल्या नगरपालिका दुकान संकुलातील करार संपल्याने सील केलेले गाळे लिलावामध्ये ताब्यात देऊन तसेच तक्रारदार यांच्या इतर गाळ्याना नोटिस न देण्यासाठी मागणी केली असता एरंडोल नगर परिषद, कार्यालय अधीक्षक संजय दगडू धमाळ याने पंच साक्षीदार यांच्या समक्ष दोन लाख रुपयांची लाचेची मागणी करून दीड लाख रुपयांची लाच स्वीकारतांना नाशिक पोलीस अधीक्षक सुनील कुऱ्हाडे, अपर पोलीस अधीक्षक निलेश सोनवणे यांच्या मार्गदर्शनाखाली धुळे पोलीस पथकाने आरोपीस रंगेहात पकडण्यात आले.
हा सापळा धुळे एसीबीचे पोलिस उपअधीक्षक सुनील कुराडे यांनी यशस्वी केल्यानंतर या गुन्ह्याचे कागदपत्र व आरोपीला जळगाव एसीबीचे पोलिस निरीक्षक निलेश लोधी यांच्याकडे सोपवण्यात आले. आरोपीला शनिवारी न्यायालयात हजर केल्यानंतर न्यायालयाने आरोपीची न्यायालयीन कोठडी सुनावली व जामिनासाठी अर्ज केल्यानंतर न्यायालयाने तो फेटाळल्याने आरोपीची जळगाव कारागृहात रवानगी करण्यात आल्याचे पोलिस निरीक्षक निलेश लोधी म्हणाले.
