जळगाव (प्रतिनिधी) ॲड.पियुष नरेंद्रअण्णा पाटील यांच्या तक्रारीवरून शासकीय वैद्यकीय महाविद्यालयात अन्न व औषध प्रशासनाने टाकलेल्या छाप्यामध्ये कालबाह्य किट आढळल्या प्रकरणी ४ सदस्य चौकशी समिती गठीत करण्यात आली असून या चौकशीकडे सर्वांचे लक्ष लागून आहे.
ॲड.पियुष नरेंद्रअण्णा पाटील यांच्या तक्रारीवरून अन्न व औषध प्रशासन विभागाने टाकलेल्या छाप्या मध्ये शरीरावरील गाठीचे निदान करण्यासाठी चे स्टेनिंग किट हे जुलै 2022 पासून कालबाह्य असल्याचे २५०० किट आढळून आले होते. या सोबतच विविध औषधी देखील कालबाह्य आढळून आल्या होत्या. तसेच अन्न व औषध प्रशासन उपायुक्त माणिकराव यांनी बंद पाकीटात अहवाल मा.जिल्हाधिकारी यांच्याकडे त्याच दिवशी सादर केलेला आहे.
यानंतर तात्काळ शासकीय वैद्यकीय महाविद्यालयातर्फे अधिष्ठाता श्री.ठाकूर यांच्या आदेशान्वये डॉ.प्रवीण लोहार प्राध्यापक व विभाग प्रमुख औषध शास्त्र – समिती अध्यक्ष, डॉ. किशोर इंगोले प्राध्यापक व विभाग प्रमुख सूक्ष्मजीवशास्त्र, डॉ. ज्योती बागुल प्राध्यापक व विभाग प्रमुख अस्थिव्यंगोपशास्त्र, डॉ. विजय गायकवाड वैद्यकीय अध्यक्ष शावैमवरू, जळगाव अशी चार सदस्य चौकशी समिती गठीत करण्यात आली असून संबंधित डॉक्टर अधिकारी यांचे जाब जवाब सुरू असल्याचे कळते, अशी माहिती ॲड.पियुष पाटील यांनी दिली आहे.
समितीकडून पारदर्शक चौकशी अहवालाची अपेक्षा करतो : ॲड.पियुष पाटील !
समिती गठीत झाल्या बाबतचे पत्र आज प्राप्त झाले. आहे मी समितीकडून निपक्षपाती व पारदर्शक चौकशी अहवालाची अपेक्षा करतो समितीने कोणाच्याही दबावाला बळी न पडता चौकशी करून अहवाल सादर करावा हीच अपेक्षा. याबाबत समाधान न झाल्यास उच्चस्तरीय चौकशी समिती स्थापन करण्यासाठी पुनश्च मा. जिल्हाधिकारी यांच्याकडे अर्ज करण्याची आपली तयारी आहे.
