जळगाव प्रतिनिधी : नांदेड येथील विद्रोही साहित्य संमेलनाचे नवनिर्वाचित अध्यक्ष कवी लोकनाथ यशवंत यांची अध्यक्षपदी निवड झाल्याबद्दल संविधान सन्मान संमेलन समितीच्या विद्यमाने विशेष सन्मान सोहळ्याचे आयोजन करण्यात आले आहे. या कार्यक्रमात उर्दू शाहीर महेताब आलम यांचाही गौरव करण्यात येणार आहे.
या समारंभाच्या अध्यक्षस्थानी डॉ. अब्दुल करीम सालार राहणार असून, संविधान सन्मेलनाचे संयोजक मुकुंद सपकाळे यांच्या हस्ते मान्यवरांचा सन्मान करण्यात येणार आहे. कार्यक्रमात बहुभाषिक राष्ट्रीय एकता कवी संमेलनाचेही आयोजन करण्यात आले असून विविध भाषांतील कवी आपली काव्यरचना सादर करणार आहेत.
हा कार्यक्रम शुक्रवार, दिनांक १३ फेब्रुवारी २०२६ रोजी सायंकाळी ६ वाजता एच. जे. थीम इकरा कॉलेज, मेहरून येथे आयोजित करण्यात आला आहे. कार्यक्रमास साहित्यप्रेमी, सामाजिक कार्यकर्ते व नागरिकांनी मोठ्या संख्येने उपस्थित राहावे, असे आवाहन आयोजकांकडून करण्यात आले आहे.
