जळगाव (प्रतिनिधी) सक्तवसुली संचालनालयाने (ED) राष्ट्रवादी काँग्रेसचे नेते एकनाथ खडसे यांची जळगाव व लोणावळ्यातील मालमत्तात जप्त केली आहे. जप्त केलेल्या मालमत्तेची किंमत सुमारे ५ कोटी इतकी आहे. पुणे जिल्ह्यातील भोसरी एमआयडीसी भूखंड घोटाळ्याच्या प्रकरणात ही कारवाई करण्यात आली आहे. तर जाणून घ्या… खडसेंची नेमकी कोणती-कोणती प्रॉपर्टी ईडीने जप्त केली आहे.
खडसेंच्या पत्नी मंदाकिनी व जावई गिरीश चौधरी यांच्या नावाने भोसरीतील जमीन खरेदीचा व्यवहार झाला आहे. या व्यवहारापोटी अदा केलेल्या रकमेचा स्त्रोत ‘ईडी’ला सापडलेला नाही. या व्यवहारासाठी अदा केलेल्या रकमेच्या स्त्रोताविषयी खडसेंकडे वारंवार विचारणा झाली. ही रक्कम कोलकात्याच्या एका कंपनीमार्फत अदा केल्याचा दावा करण्यात आला आहे. मात्र ही कंपनी केवळ कागदावरच आहे, असा संशय ईडीला आहे. दरम्यान, सुरतच्या ईन्सीया बदलावाला यांची ६५ लाख मालमत्ता तर कोंढव्यातील युकानी यांच्या १० लाखांचा प्लॉटही ईडीने जप्त केला आहे. युकानी यांच्याच मालकीची भोसरीची जमीन असल्याचे सांगण्यात येत आहे.
ईडीने जप्त केलेली मालमत्ता
एकनाथराव खडसे
प्लॉट नं. १९/२० (४७७ मेहरुण १/२)
किंमत : २८, ७७,८०५
याच भूखंडावर खडसेंच्या नावावर अन्य एक प्लॉट आहे.
किंमत १४, ३९,०५०
गिरीश चौधरी
सर्व्हे नं. ७२८१, ७२८२,
रहिवास प्लॉट
किंमत : १ कोटी ६३ लाख, १० हजार
सर्व्हे नं. ४१०, प्लॉट नं. ५ मेहरुण (जळगाव)
किंमत : ११ लाख ८५ हजार
सर्व्हे नं. ६६१/१/७
किंमत : १३ लाख ५० हजार ३०८
सर्व्हे नं. ६६१/१/७
किंमत : ११ लाख ४९ हजार ६९१
मंदाकिनी खडसे
बंगला, ३१६५ स्क्वेअर फूट, सर्व्हे नं. ७१ आणि ७५ तुंगाली, मावळ (लोणावळा, पुणे)
किंमत : १ कोटी ६० हजार
फ्लॅट नं. १६. गट नं १६ मानपूर (जळगाव)
किंमत : १० लाख १ हजार
सर्व्हे नं. ७८५, १/२/३/६ आणि ७७८-१ए, नयनतारा सिटी, नाशिक.
किंमत : ५८ लाख ३ हजार ३१४
सील केलेल्या बँक खात्यातील रकमेचा तपशील
गिरीश चौधरी: ५३ लाख १५ हजार ९४१
मंदाकिनी खडसे: ३३ लाख १२ हजार २६०
