बोदवड (महेंद्र पाटील) तालुक्यातील मनूर बु।। येथील कै. अमजीत चंदु पाटील हायस्कूल विद्यालयाच्या दोन माजी विद्यार्थ्यांचा त्यांचा मिळवलेल्या यशाबद्दल विद्यालयात संचालक मंडळ तथा शालेय प्रशासनाच्या वतीने सत्कार करण्यात आला.
मनुर बु . येथील रविंद्र दिलीप पाटील यांची एमपीएससी परीक्षेत महाराष्ट्रात ७ व्या क्रमांकाने उत्तीर्ण होऊन प्रथम श्रेणीमध्ये उपविभागीय कृषी अधिकारीपदी निवड झाली. तसेच आणखी एक माजी विद्यार्थी रविंद्र प्रकाश पाटील यांची काही महिन्यांपूर्वी जिल्हा अभियान व्यवस्थापक राष्ट्रीय ग्रामीण जीवोन्नती अभियान जिल्हा रायगड येथे नियुक्ती झाल्याबद्दल त्यांचाही सत्कार करण्यात आला.
संत मुक्ताबाई संस्थान मुक्ताईनगर संचालित कै. अ. चं. पाटील हायस्कूल मनुर बु विद्यालयाचे चेअरमन पंजाबराव प्रल्हादराव पाटील, मुख्याध्यापक उद्धव मनोहर वराडे यांचे हस्ते सत्कार करण्यात आला. याप्रसंगी सर्व शिक्षक व शिक्षकेतर कर्मचारी वृंद , व गावातील ग्रामस्थ उपस्थित होते. सर्व मान्यवरांनी रविंद्र दिलीप पाटील व रविंद्र प्रकाश पाटील यांना पुढील वाटचालीस शुभेच्छा दिल्या.
