जळगाव (प्रतिनिधी) : कामगार योजनेतंर्गत मिळणारा सामान घेण्यासाठी गेलेल्या ठिकाणी मित्रासोबत वाद सुरु होता. या वादाचा व्हिडीओ काढल्याच्या रागातून चौघांनी अल्ताप अजिज पटेल (वय २६, रा. नाचणखेडा, ता. जामनेर) या तरुणाला लोखंडी पाईने मारहाण केली. ही घटना दि. ५ मार्च रोजी वावडदा गावाजवळ घडली. याप्रकरणी चौघांविरुद्ध गुन्हा दाखल करण्यात आला आहे.
तालुक्यातील वावडदा येथे कामगार योजनेतंर्गत सामान घेण्यासाठी अल्ताप अजिज पटेल हा तरुण गेला होता. त्यांच्या गावाशेजारी राहणाऱ्या मित्रासोबत वाद सुरु होता. या वादाचा व्हिडीओ काढल्याचा राग आल्यामुळे संशयित चौघांनी त्यांना चापटा बुक्क्यांनी मारहाण केली. त्यानंतर सामान मिळविण्याच्या गोडाऊनजवळ नेवून त्यापैकी एकाने लोखंडी पाईपने मारुन गंभीर जखमी केले. रुग्णालयात उपचार घेतल्यानंतर अल्ताप पटेल यांनी एमआयडीसी पोलिसात तक्रार दिली, त्यानुसार चौघांविरुद्ध गुन्हा दाखल करण्यात आला आहे. तपास पोहेकॉ समाधान टहाकळे हे करीत आहे.
