जळगाव (प्रतिनिधी) जळगाव जिल्हा दूध संघात आता आमची सत्ता आली असून ‘दूध का दूध, पानी का पानी’ होईल असा इशारा राज्याचे ग्रामविकास मंत्री गिरीश महाजन यांनी एकनाथराव खडसे यांना दिला आहे. ना. महाजन यांनी दुध संघाच्या नोकर भरतीतील मोठा घोटाळा हा खडसेंच्या संचालक मंडळाच्या काळात झाला, असा थेट आरोप यांनी केला आहे.
जिल्हा दूध संघाच्या भरती प्रक्रियेत गोरगरीब मुलांकडून १५ लाख ते २० लाख रुपये घेतल्याचा थेट आरोप मंत्री गिरीश महाजन यांनी केला आहे. असे करण्यासाठी यांना लाज वाटायला हवी होती. या ठिकाणी दूध संघाचे तात्कालीन अध्यक्षांनी घोटाळा केला असल्याचे सांगत मंत्री गिरीश महाजन यांनी नाव न घेता खडसे यांच्यावर निशाणा साधला आहे. त्यामुळे यात आता ज्यांनी पैसे दिले आहे किंवा ज्यांनी पैसे घेतले आहे असे सर्व समोर येतील असा इशाराही महाजन यांनी दिला आहे. तसेच एकनाथ खडसेंनी कधी विचारही केला नसेल असा त्यांचा दारुण पराभव जिल्हा दूध संघाच्या निवडणुकीत झाला आहे असे सांगत मंत्री गिरीश महाजन यांनी एकनाथ खडसेंवर निशाणा साधला आहे. दरम्यान, जळगाव दूध संघाच्या निवडणुकीत एकनाथ शिंदे यांना धक्का बसला आहे. भाजपचे उमेदवार मंगेश चव्हाण यांनी एकनाथ खडसे यांच्या पत्नी मंदा खडसे यांचा पराभव केला आहे.