जळगाव (प्रतिनिधी) आंतरराष्ट्रीय बाजारातील मौल्यवान धातूंच्या किंमतीमधील तेजीचा परिणाम देशांतर्गत बाजारावर दिसून येत आहे. जळगाव सराफ बाजारात आज सलग दुसऱ्या सोने (Gold Rate) दरात वाढ झाली आहे. तर दुसरीकडे चांदी (Silver Rate) देखील महागली आहे. आज १० ग्रॅम सोन्याच्या भावात किंचित १४० रुपयाची वाढ झाली आहे. तर चांदीच्या प्रति किलो दरात ३०० रुपयांची वाढ झाली आहे.
आज सोमवारी जळगाव सराफ बाजारात २४ कॅरेट १० ग्रॅम सोन्याचा भाव ४९,०४० इतका आहे. तर चांदीचा प्रति किलोचा भाव ६३,३५० रुपये इतका आहे. दरम्यान, सराफ व्यवसायिकांकडून सोन्यावर जीएसटी, आयात शुल्क आणि घडणावळ शुल्क आकारले जाते. त्यामुळे दहा ग्रॅम सोन्याचा दागिना खरेदी करताना प्रत्यक्ष बाजार भावात ४ ते ५ हजारांची वाढ होते.
गेल्या आठवड्यात जळगाव सराफ बाजारात चांदीच्या दरात सलग वाढ दिसून आली. चांदी १६०० रुपयांनी महागली होती. तर गेल्या आठवड्यात सोने ३ वेळा महागले होते. त्यात ३०० रुपयाची वाढ झाली होती. परंतु काल आठवड्याच्या पहिल्याच दिवशी सोन्याच्या दरात वाढ दिसून आली. तर चांदीच्या दरात घसरण दिसून आली होती.
गेल्या आठवड्यातील सोने चांदीचे दर?
१० जानेवारी (सोमवार) रोजी २४ कॅरेट सोन्याचे दर ४८,५६० रुपये प्रति तोळा एवढे नोंदले गेले. तसेच एक किलो चांदीचे दर ६२,०३० रुपये असा होता. ११ जानेवारी (मंगळवार) २४ कॅरेट सोन्याचे दर ४८,५७० रुपये प्रति तोळा एवढे नोंदले गेले. तर एक किलो चांदीचे दर ६२,०९० रुपये इतका नोंदविला गेला. १२ जानेवारी (बुधवार) २४ कॅरेट सोन्याचे दर ४८,८१० रुपये प्रति तोळा एवढे नोंदले गेले. तर एक किलो चांदीचे दर ६२,४५४० रुपये इतका नोंदविला गेला. १३ जानेवारी (गुरुवार) २४ कॅरेट १० ग्रॅम सोन्याचा भाव ४८,९३० रुपयावर आला आहे. तर चांदीचा प्रति किलोचा भाव ६३,३१० रुपये इतका आहे.
