नवी दिल्ली (वृत्तसंस्था) गूगलने नुकतेच १५० अ‍ॅप्स घातक म्हणून बंदी घातली. आता गूगलने प्ले स्टोअर वर आणखी तीन अ‍ॅप्सवर बंदी घातली आहे. या अँप्सच्या माध्यमातून युजर्सचे Login-ID चोरी करतात. जर तुमच्या स्मार्टफोनमध्ये देखील हे अ‍ॅप्स असतील तर ते लगेच डिलीट करा.
गुगलने दिलेल्या माहितीनुसार, सध्या ३ बिलियन अॅक्टिव्ह अँड्रॉईड डिव्हाईस आहेत. धोकादायक अँप्स बॅन करुन गुगल युजर्सला सुरक्षित ठेवण्याचा प्रयत्न करत आहे. गुगलने बॅन केलेल्या या अँप्सद्वारे युजर्सच्या पर्सनल माहितीद्वारे बँक अकाउंटमधून चोरी केली जात होती. सिक्योरिटी फर्मनुसार, हे अँप्स युजर्सचे लॉगइन आयडी चोरी करुन पर्सनल माहितीचा वापर करत होते. आता Magic Photo Lab- Photo Editor, Blender Photo Editor-Easy Photo Background Editor आणि Pix Photo Motion Edit 2021 हे अँप्स गुगलने आपल्या प्लॅटफॉर्मवरुन बॅन केले आहेत.
एखाद्या अँप किंवा वेबसाइटवर लॉगइन करताना Login With Facebook या पर्यायाद्वारे युजर्स सहजपणे लॉगइन करू शकतात. यामुळे कोणताही पासवर्ड किंवा युजरनेम न टाकताच वेबसाइट किंवा अँप वापरता येतं. याचाच फायदा धोकादायक अँप्सद्वारे घेतला जातो. हे अँप्स युजर्सचे Login-ID चोरी करतात. जर तुम्हीही हे अँप्स डाउनलोड केले असतील, तर लगेच फोनमधून डिलीट करा. त्याशिवाय तुमचे फेसबुक लॉगइन डिटेल्सही बदला.
