पाळधी ता. धरणगाव (प्रतिनिधी) तालुक्यातील दिव्यांग बांधवांना व्यावसाय करता यावा, हे हेतू डोळ्यासमोर पालकमंत्री गुलाबराव पाटील यांच्याकडून दिव्यांग बांधवांना उद्या (रविवार) रोजी चार्जिंग सायकलचे वाटप करण्यात येणार आहे.
पाळधी येथे नुकताच भजनी मंडळीला साहित्य वाटपाचा कार्यक्रम घेण्यात आला होता. यावेळी पालकमंत्री गुलाबराव पाटील यांनी मतदार संघातील दिव्यांग बांधवांना व्यवसाय करण्यासाठी फिरता, यावे म्हणून चार्जिंगची सायकल देण्याचे आश्वासन दिले होते. त्यानुसार दिनांक ३ डिसेंबर २०२३ रोजी सुगोकी लॉन्स (चांदसर रोड, पाळधी) येथे सकाळी सकाळी १० वाजता चार्जिंगच्या सायकलींचे वाटप होणार आहे. पहिल्या टप्प्यात धरणगाव तालुक्यातील दिव्यांग बांधवांचा समावेश आहे. त्यानंतर टप्प्या-टप्प्याने जळगाव ग्रामीण मधील सर्व दिव्यांग बांधवांना ह्या सायकली वाटप करण्यात येणार आहे.
दरम्यान, जे बांधव पात्र झाले आहे, त्यांनी येतांना सोबत दिव्यांग प्रमाणपत्र, आधार कार्ड झेरॉक्स, दोन पासपोर्ट फोटो सोबत आणावे, तसेच कार्यक्रमानंतर भोजनाची व्यवस्था करण्यात आली असल्याचे असे आयोजकांनी कळवले आहे. तर उपस्थितीचे आवाहन माजी जि.प. सदस्य प्रतापराव पाटील यांनी केले आहे.
