जळगाव (प्रतिनिधी) कंपनीतून घरी जाणाऱ्यासाठी निघालेल्या तरुणावर काळाने झडप घातल्याची दुर्देवी घटना घडली आहे. विशाल राजेंद्र सपकाळे (वय २१, रा. देव्हारी, ता. जळगाव), असे मयत तरुणाचे नाव आहे. हा अपघात शुक्रवारी रात्रीच्या सुमारास उमाळा फाट्याजवळ घडली.
उमाळे फाट्याजवळील वळणावर दुचाकी घसरली !
जळगाव तालुक्यातील देव्हारी गावात विशाल सपकाळे हा तरुण वास्तव्यास होता. एमआयडीसीमधील सिद्धार्थ केमिकल कंपनीत तो वेल्डरचे काम करुन कुटुंबाला दातभार लालित होता. सातारी दिवसभर कंपनीत काम आटोपून त्याच कंपनीत असलेला त्याचा मित्र विशाल गुळवेसोबत घरी जाण्यासाठी निघाले. आपली (एमएच १९ ५६१३) क्रमांकाच्या दुचाकीने घरी जात असतांना उमाळे फाट्याजवळ असलेल्या वळणावर दुचाकी घसरली. या अपघातात विशालच्या डोक्याला गंभीर दुखापत झाली आणि त्याचा जागीच मृत्यू झाला. तर त्याचा मित्र विशाल गुळवे हा गंभीर जखमी झाला.
नातेवाईकांचा काळीज चिरणारा आक्रोश !
अपघाताची माहिती मिळता विशाल सपकाळे याच्या कुटुंबियांसह नातेवाईक व मित्रांनी रात्रीच जिल्ह शासकीय वैद्यकीय रुग्णालयात धाव घेतली. याठिकाणी विशालच मृतदेह बघताच सगळ्यांनी काळीज चिरणारा आक्रोश केला. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे. विशालच्या पश्चात आई, वडील,मोठाभाऊ आणि विवाहित बहीण असा परिवार आहे.
नागरिकांच्या मदतीने केले रुग्णालयात दाखल !
रस्त्यावरुन जाणाऱ्या नागरिकांनी अपघातातील जखमींना तात्काळ खासगी वाहनातून शासकीय वैद्यकीय महाविद्यालयात दाखल केले. याठिकाणी वैद्यकीय अधिकाऱ्यांनी विशाल सपकाळे याची तपासणी करीत त्याला मयत घोषीत केले. तर विशाल गुळवे याला खासगी रुग्णालयात दाखल केले असून त्याच्यावर याठिकाणी उपचार सुरु आहेत.
